عقاب

آزاد انسائیکلوپیڈیا، وکیپیڈیا توں
گنجا عقاب

عقاب الاں ٹبر دے کئی شکاری پنچھیاں دا ناں اے۔ وکھرے جنساں آلے پنچی وی عقاب اکھواندے نیں۔ عقاباں دیاں 60 کسماں یوریشیا تے افریقہ وچ پائی جاندیاں نیں تے اس تعرتی توں بار 14 کسماں ہوندیاں نیں - 2 اتلے امریکہ، 9 دکھنی امریکہ تے 3 آسٹریلیا وچ۔

وکھالا[سودھو]

سنہری عقاب اڈدیاں

عقاب وڈے، جان آلے، وڈے سر تے چنج آلے شکاری پنچھی ہوندے نيں۔ سب توں نکے عقاباں دے پر دوجے پنچھیاں توں وڈے ہوندے نیں جس نال اوہ تیز اڈ سکدے نیں۔ کج گدھاں نوں چھڈ کہ عقاب دوجے شکاری پنچھیاں توں وڈے ہوندے نیں۔ باقی شکاری پنچھیاں آر شکار توں گوشت نوچن لئی عقاباں دی وڈی کنڈے ورگی چنج ہوندی اے، پعاری شکار چکن لئي جان آلیاں لتاں تے طاقتور پنجے ہوندے نیں۔ عقاباں دیاں اکھاں بوت چنگیاں ہوندیاں نیں، انسان دی اکھ توں 3.6 گنا چنگا ویکھ سکدی اے، جس نال اوہ شکار بوت دوروں ویکھ سکدے نیں۔ سارے عقاباں دیاں ونڈاں دی مادہ عقاب نر توں وڈے ہوندے نیں۔

عقاب اپنا گونسلا اچے رکھاں یا چٹاناں تہ بناندے نیں۔ کئی قسماں 2 انڈے دیندیاں نیں مگر اکثر وڈی عمر آلا چوزا نکے نوں مار کھاندا اے۔ عام طور تہ مارہ آلا چوزہ مادہ ہوندا اے کیونجہ اوہ نر توں وڈا ہوندا اے۔ چوزیاں دے ماپے اس مار نوں روکن واسطے کج نئیں کردے۔

سب توں وڈا عقاب ہارپی عقاب اے جیڑا وشکارلے امریکہ چ پایا جاندا اے۔

شکار[سودھو]

عقاباں دے زور تے وڈے پسار دی وجہ نال اوہ پنچھیاں دی دنیا وچ سب اتے دے شکاری ہوندے نیں۔ عقاب کئی قسماں دے شکار کردے نیں: مچھیاں، سپ، نکے میمل تے دوجے پنچھی۔ شکار دا طریقہ جنس دے نال نال وکھرا ہوندا اے۔ کئی عقاب زمین تہ اترے بغیر ای پنجیاں وچ شکار نوں پھڑ کہ گونسلے لے جاندے نیں جتھے اوہ اونوں نوچ کھاندے نیں۔

گنجا عقاب سب توں پعاری وزن چکدیاں ویکھیاں گیا سی: اک گنجے عقاب نیں 6.8 کلوگرام وزنی ہرن دے بچھڑے نوں چک لیا۔ کج عقاب اس توں وزنی شکار کردے نیں اس لئی اوہ اونوں چکن دے بجاۓ اودر ای کھا پی جاندے نیں۔ سنہری عقاب نوں 30 کلوگرام وزنی کھروالیاں دا شکار کردیاں ویکھیا گیا اے جیڑا اس توں وزن چ 6-7 گنا وڈا ہوندا اے۔