عمران خان

Wikipedia توں
جاؤ: پاندھ, کھوج
عمران خان
PTI Poster.jpg
جمن دیاڑ: 05 اكتوبر 1952
جمن پوہ: لہور پاکستان
کم : کرکٹ تے سیاست
بلے بازی دا انداز : سجے ہتھ نال
گیند بازی دا انداز : سجے ہتھ نال تیز
کردار : آلراؤنڈر
پارٹی: پاکستان تحریک انصافPakistan Tehreek-e-Insaf flag.PNG

عمران خان پاکستان دے کرکٹ دے پرانے کھڈاری تے سیاستدان نیں۔ عمران خان نیں 21 ورے تک کرکٹ کیھڈی تے جدوں 1992 چ پاکستان نے کرکٹ دا ورلڈ کپ جتیا تے اوس ویلے اوہ کپتان سی۔ اپریل 1996 چ عمران خان نے اک سیاسی پارٹی پاکستان تحریک انصاف دی نیو رکھی۔ 2002 توں 2007 تک عمران میانوالی توں پاکستان قومی اسمبلی دا سنگی رہیا۔

عمران خان نے کینسر دیاں روگیاں لئی شوکت خانم میموریل کینسر ہسپتال بنایا۔ میانوالی چ نمل کالج بنایا ۔

جم پل[لکھو]

عمران 25 نومبر 1952 نوں انعام اللہ خان نیازی تے شوکت خانم دے گھر لہور وچ جمیا۔ اودا پیو اک سول انجینیر سی۔ ایہ اک اتلی مدری پدھر دا ٹبر سی۔ عمران نے رائل گریمر سکول وورسسٹر انگلینڈ، ایچیسن کالج لہور توں پڑھن مگروں کیبل کالج، آکسفورڈ وچ پڑھن گیا۔

کرکٹ وچ[لکھو]

عمران خان نے لہور توں فرسٹ کلاس کرکٹ کھیڈن دا مڈ پایا۔ اوہ آکسفورڈ یونیورسٹی دی کرکٹ ٹیم وچ 1973–1975 دے ویلے وچ کھیڈیا۔ 1971 توں 1976 دے وشکار اوہ وورسسٹرشائر ولوں کاؤنٹی کرکٹ کھیڈی۔ ایس مگروں اوہ پی آئی اے تے فیر سسکس کاؤنٹی ولوں کھیڈے۔ عمران نے پہلا ٹیسٹ میچ 1971 وچ برمنگم، انگلینڈ نال کھیڈیا۔ پہلا ون ڈے میچ 1974 وچ نوٹنگھم وچ انگلینڈ دے نال کھیڈیا۔ 1976–1977 دے اسٹریلیا-نیو زیلینڈ دی پاندھ وچ پاکستان دی قومی ٹیم وچ اوہدی تھاں پکی ہوگئی۔ اسٹریلیا دی پاندھ مگروں اوہ ویسٹ انڈیز گیا تے اوتھے اوہدی ملنی ٹونی گریک نال ہوئی تے اوہنےکیری پیکر دی ٹیم وچ کھیڈن نوں ھاں کردتی۔

اوہ اک تیز بالر سی تے 1976 وچ تیز گینداں سٹن دے پرتھ وچ 1978 نوں اک آڈے وچ اوہ 139.7 کلومیٹر/کینٹہ دی دوڑ نال تیز سٹ کے جیف تھامسن تے مائیکل ہولڈنگ مگروں دنیا وچ تیجے نمبر تے آیا پر اوہ ڈینس للی تے اینڈی رابرٹس نالوں اگے سی۔ 1982 دا ورہ اوہدی تیز گینداں لئی سب توں ودھیا سی جدوں اوہنے 62 وکٹاں 9 ٹیسٹ میچاں وچ 13.29 دوڑاں/وکٹ نال لیآں۔ 1982 وج ای اوہنوں جاوید میانداد دی تھاں پاکستانی کرکٹ ٹیم دا کپتان بنادتا گیا۔ اوہدی کپتانی وچ پاکستانی ٹیم نے 48 ٹیسٹ میچ کھیڈے 14 جتے، 8 ہارے تے 26 برابر۔ اوہنے 139 ونڈے میچ کھیڈے 77 جتے، 57 ہارے تے اک برابر۔ 1992 دا ورلڈ کپ جتنوالی پاکستانی ٹیم دا عمران کپتان سی۔

کھیڈ ریکارڈ
میچ ٹیسٹ ون ڈے فرسٹ کلاس لسٹ اے
کھیڈے 86 175 - -
دوڑاں 3807 3709 - -
مدری بیٹنگ 37.69 33.41 - -
50/100 18/6 - - -
ود سکور 136 102* - -
بالاں کیتیاں - - - -
وکٹاں 362 154 - -
مدری بالنگ - - - -
- وکٹاں اکواری چ - - - -
- وکٹاں اکواری چ 0 0 0 0
ودیا بالنگ -/- -/- - -
کیچ پھڑے - - - -

چنگے کم[لکھو]

کرکٹ چھڈن مگروں عمران نے اپنا سارا ویلہ چنگے کماں تے ورتیا۔ اپنی ماں شوکت خانم دے کینسر توں مرن تے اوہنے ای کینسر ہسپتال بنان دا سوچیا تے لہور وچ اپنی ماں دے ناں تے شوکت خانم میموریل ہسپتال بنایا۔ ایس لئی اوہنے پاکستان توں تے بدیس توں 25 ملین ڈالر توں ود اکٹھے کیتے۔

2008 وچ اوہنے میانوالی وچ اک تکنیکی نمل کالج دے ناں تے بنایا۔ ایس کالج دا جوڑ بریڈفورڈ یونیورسٹی نال جوڑیا گیا اے۔

سیاست وچ[لکھو]

1996 وچ عمران خان نے اک سیاسی پارٹی پاکستان تحریک انصاف دے ناں نال بنائی۔ عمران نے 1999 وچ پرویز مشرف دی بغاوت تے راج تے مل مارن دا ساتھ دتا ایہ سوچدیاں ہویاں جے مشرف ہیراپھیری مکاۓ گا۔ 2002 دیاں چوناں وچ عمران نے میانوالی دی سیٹ جتی۔

30 اکتوبر 2011 نوں عمران نے لہور وچ اک وڈا سیاسی اکٹھ کیتا جتھے لکھ توں ودھ لوک آۓ۔ اپنے ایس اکٹھ نوں عمران نے سونامی یا ہنیری دا ناں دتا۔ 25 دسمبر 2011 نوں عمران نے کراچی وچ اک ہور وڈا سیاسی اکٹھ کیتا۔ ایس مگروں عمران اک وڈا تے تکڑا سیاستدان بن کے سامنے آیا۔

2013 دیاں چوناں وچ عمران دی پارٹی دوجی پارٹی بن کے سامنے آئی۔ 11 مئی 2013 نوں ہونوالیاں چوناں وچ اوہدی پارٹی نیں 30 سیٹاں جتیاں۔ خیبر پختونحواہ وچ اودی پارٹی نے دوجیاں پارٹیاں نال رل کے تے پرویز خٹک دی آگوی وچ سرکار بنائی۔

11 مئی نوں چوناں ہوندے اک ورے مگروں عمران نے ایہ گل آکھی جے پجھلیاں چوناں وچ ہیراپھیری ہوئی اے تے ایس گل نوں لے کے اوہنے طاہر القادری نال رل کے دھرنا دتا۔