عیدی امین

آزاد انسائیکلوپیڈیا، وکیپیڈیا توں

جم: 1923ء

Idi Amin

موت: 16 اگست 2003ء

یوگنڈا دا سابق صدر تے رہنما ۔ برطانوی فوج چ رہیا جتھے اسنوں اک بہتر فوجی دی حیثیت نال سلاہیا گیا ۔ اوہ 1971ء چ اک بغاوت راہیں ملک دے اقتدار تے قابض ہون مگروں اسنے برطانوی سامراج نوں شدید تنقید دا نشانہ بنایا تے اسنوں یوگنڈا دے لوکاں نے ہولی ہولی قبول کر لیا ۔ چھیتی ای اسنے خود نوں تاحیات صدر قرار دے دتا ۔ اس دی حکومت نے ایشیائی نژاد لکھاں لوکاں نوں دیس چھڈن اتے مجبور کر دتا ۔ برطانیہ چ وسن آلے بوہتے گجراتی اس دے دور چ ای بے گھر ہوئے ۔ انسانی حقاں دیاں تنظیماں دا کہنا اے کہ اس دے اٹھ سالہ دور حکومت چ اک لکھ توں پنج لکھ لوک مارے گئے ۔ تنزانیہ دی فوج نے اپریل 1979ء چ اسنوں اقتدار توں باہر کڈ دتا ، جس دے مگروں اوہ لبیا چلا گیا ۔ ایسے جلاوطنی چ اوہ جدہ چ مر گیا تے اسنوں جدہ چ ای دفن کیتا گیا ۔ عیدی امین نے دو ویاہ کیتے جنہاں چوں اسدیاں 22 اولاداں ہویاں ۔