فرانسیسی سوڈان

Wikipedia توں
جاؤ: پاندھ, کھوج
فرانسیسی سوڈان دا جھنڈا

فرانسیسی سوڈان اتلے افریقہ دی 8 فرانسیسی کالونیاں چوں اک سی ، جہڑی تریخ چ دو وار 1890ء توں 1899ء تک تے 1920ء توں 1960ء ، قائم رہی ۔ تے 1960ء چ فرانس توں مکمل آزادی لے کے جمہوریہ مالی بن گئی ۔


تریخ[لکھو]

فرانسیسی کالونی دی نیہہ 8 ستمبر 1880ء چ اتے آلے سینیگال دے ناں نال رکھی گئی جسدا ناں بدل کے 18 اگست 1890ء چ فرانسیسی سوڈان کر دتا گئیا تے کیز اس دا راجگھر بنائیا گئیا ۔ 10 اکتوبر 1899ء چ کالونی ٹٹ گئی تے 11 دکھنی صوبے فرانسیسی گنی ، آئیوری کوسٹ تے دوہامبے بنے پر بعد چ دو صوبے واپس فرانسیسی سوڈان چ شامل کر دتے گئے ۔ جدوں 1933ء چ فرانسیسی اپر وولٹا توڑ دتا گیا تے فرانسیسی سوڈان چ اسدے کجھ علاقے شامل کر دتے گئے ۔

آزادی[لکھو]

4 اکتوبر 1958ء دے ریفرینڈم دے مگروں ایہہ فرنچ کمیونٹی دا رکن بن گیا تے 25 نومبر 1958ء چ اس نوں اندرونی خودمختاری دے دتی گئی ۔ 4 اپریل 1959ء چ فرانسیسی سوڈان نے سینیگال نال رل کے مالی فیڈریشن بنالئی ۔ جہڑی 20 جون 1960ء فرنچ کمیونٹی دے اندر مکمل آزاد ہو گئی ۔ ایہہ وفاق 20 اگست 1960ء چ سینیگال دی علیحدگی دے بعد مک گیا تے 22 ستمبر 1960ء چ فرانسیسی سوڈان تے جمہوریہ مالی دے قیام دا اعلان کیتا تے فرنج کمیونٹی توں باہر نکلآیا۔