لبرلزم

Wikipedia توں
جاؤ: پاندھ, کھوج

لبرلزم ایسی سوچ اے جیہدا مڈھ ازادی تے برابری اے۔ لبرل لوک ایہناں دو سوچاں دے مڈھ تے ونےسونے خیال پالدے نیں جیویں ازاد تے امانداری دیاں چوناں، سول حق، پریس دی ازادی، متی ازادی، بپاری ازادی تے جیداد رکھنا۔

لبرلازم پہلی واری چانن ویلہ وچ پہلی واری اک وکھری سیاسی تحریک لئی سامنے آیا تے ایہدا فیشن فلسفیاں تے بپاریاں وچ پہلے سی۔ پرکھاں توں ملن والے فیدے، سرکاری مت، اننی بادشائی تے باشاہواں دے خدائی اختیار لبرل لوکاں منن توں مکر گۓ۔ 17ویں صدی دے انگریز فلسفی جان لاک نوں لبرلزم دا موڈھی تے آگو منیا جاندا اے جینے لبرلزم نوں اک وکھری سوچ دتی۔ اوہنے ایس گل نوں ودھایا جے جیون، ازادی تے پراپرٹی جماندرو حق (Natural Rights) نیں۔ سرکاراں نوں ایہناں حقاں نوں روکنا نہیں جاہیدا۔ لبرلاں نیں چونویں سرکار تے قنون دے اصول تے زور دتا۔

شانوالا انقلاب، امریکی انقلاب تے فرینچ انقلاب تے آنوالے ہور انقلاباں وچ ہونوالی مارکٹائی لبرل سوچاں دی جت لئی ٹھیک سمجھی گئی۔