لڑاکا ہیلیکاپٹر

Wikipedia توں
جاو: مدد, کھوج
روسی ایم آئی-24۔ 50 دیساں دے کول اے تے اے جگ دا سب توں وڈا لڑاکہ ہیلیکاپٹر اے

لڑاکہ ہیلیکاپٹر اس فوجی ہیلیکاپٹر نوں کیندے نیں جیڑا دشمن نال لڑ سکے جنج ٹینکاں نوں تباہ کر سکے، فوجیاں تے حملہ تے ریڑار تے دوجیاں فوجی شیواں نوں برباد کرن دی خاصیت رکھدا ہوۓ۔ اے مشین گناں، توپاں، راکٹ، میزائل تے کدی کدی ہوائی مار کرن آلے میزائل چکدے نیں۔ اج کل دے لڑاکہ ہیلیکاپٹراں چ لیزر نال نشانہ لے کر دن رات مار کرن لئی میزائل لگے ہوندے نیں تے انفریریڈ سنسراں دے ہتھ نال اوہ گپ اندھیرے تے تووئیں چ وی لڑ سکدے نیں۔ کج لڑاکہ ہیلیکاپٹراں چ ریڑار وی لگے ہوندے نیں جیناں توں اوہ 10 کلومیٹر دوروں وی ٹینکاں تے میزائل مار سکدے نیں۔ لڑاکہ ہیلیکاپٹر زمینی فوج دے نال رل کے حملہ کرن چ مدد دیندے نیں تے فوجیاں نوں لڑائی لڑن چ ہتھ ریندے نیں۔ روسی انفراریڑ میزائلاں دے عام ہون توں لڑاکہ ہیلیکاپٹراں نوں مارگرانا وی تھوڑا سوکھا ہوگیا اے، اس لئی لڑاکہ ہیلیکاپٹراں نوں لڑاکہ جعاز ہوا توں بچاؤ دیندے نیں۔ اس توں علاوہ ہیلیکاپٹر زمین دے بلکل نال اڈدے نیں جس توں اوناں نوں دوروں ریڑار نئیں ویکھ سکدا مگر انفراریڑ میزائل فیر وی وار کرسکدے نیں۔ اس لئی جنج جنج ہیلیکاپٹراں نوں چنگا کیتا جاریا اے، ایناں دے انجناں توں توؤاں دے گرمی کٹ کیتی جارئی اے۔ حساب دے مطابق اک لڑاکہ ہیلیکاپٹر آپ مرن توں پہلاں اپنے توں 17 گنا زیادہ مولے دا نقصان کرے گا۔

پہلا لڑاکہ ہیلیکاپٹر امریکی اے ایچ-1 کوبرا سی جیڑا ویتنام جنگ چ ورتیا گیا۔ اس توں بعد کئی دیساں نیں اپنے لڑاکہ ہیلیکاپٹر بناۓ نیں۔ سب توں بوتا مشہور لڑاکہ ہیلیکاپٹر امیکی اے ایچ-64 آپاشے اے۔ اینے 1991 دی عراق جنگ چ انت مچا دتی: 500 ٹینک، 300 بکتر بند گڈیاں تے کئی توپاں تے ریڑار آپاشے ہیلیکاپٹراں نے ماریاں۔ اس جنگ وچ ایدے کم دی وجہ توں اینوں کئی دیساں نیں خریدیا تے کئیاں نیں اپنے لڑاکہ ہیلیکاپٹر بنان ٹر پۓ۔

لڑاکہ ہیلیکاپٹراں لسٹ[لکھو]

کج لڑاکہ ہیلیکاپٹر اے نیں: