متحدہ عرب جمہوریہ

Wikipedia توں
جاو: مدد, کھوج
متحدہ عرب جمہوریہ دا جھندا
متحدہ عرب جمہوریہ چ شامل دیس

متحدہ عرب جمہوریہ (عربی: الجمھوریۃ العربیہ المتحدہ) 1958ء چ مصر تے شام دے اتحاد نال بنن آلی ریاست سی ۔ ایہہ 1961ء چ شام دے علیحدہ ہوون تک قائم رہی پر مصر 1971ء تک اس ناں نوں ورتدا رہئیا ۔

1956ء چ سوئز بحران دے مگروں مصر دے صدر جمال عبد الناصر دی مقبولیت تے عرب قوم پرستی توں متاثر ہو کے شام دے سیاسی تس عسکری رہنماواں دے اک گروہ نے دونہاں دیساں دے اتحاد دی اک تجویز پیش کیتی جس تے یکم فروری 1958ء چ عملدرآمد کیتا گئیا ۔

دونہاں دیساں دے صدراں جمال عبد الناصر تے شکری القوتلی نے مصر تے شام چ ریفرنڈم دے بعد 22 فروری 1958ء چ اتحاد دے معاہدے تے دستخط کیتے ۔ صدر جمال نوں ایس نویں جمہوریہ دا صدر منتخب کیتا گئیا تے قاہرہ راجگھر قرار دتا گئیا ۔ اک نواں وفاقی آئین وی تشکیل دتا گئیا ۔

متحدہ عرب جمہوریہ دے جھنڈے تے دو تارے دونہاں ریاستاں دی نمائندگی کردے سن ۔ ایہہ پرچم اج وی شام ورت رہئیا اے ، جدوں کہ عراق چ وی ایسے قسم دا جھنڈا استعمال کیتا جاندا اے تاہم اس چ تن تارےنیں۔