مریم جمیلہ

Wikipedia توں
جاؤ: پاندھ, کھوج

مریم جمیلہ ( پیدائشی ناں : مار‍گریٹ مارکس) معروف ، لکھاری ، صحافی ، شاعرہ تے مضمون نگار نیں ، جہڑیاں 23 مئی 1923ء چ امریکہ دے شہر نیو یارک دے اک یہودی ٹبر چ پیدا ہوئیاں ۔ دکھنی افریقہ دے شہر ڈربن دے اک مسلم ڈائجسٹ لئی تحریراں لکھن دے بعد اوہناں نے 24 مئی 1961ء چ اسلام قبول کر لئیا ۔ جمیلہ اسلام دے حوالے نال دو درجن کتاباں دی مصنفہ نیں ۔ اوہ پاکستان دے سید ابوالاعلی مودودی دی تعلیمات توں بے حد متاثر سن ۔ اس لئی اسلام قبول کرن دے بعد اوہناں نے پاکستان چ سکونت اختیار کیتی ۔

انہاں دے اسلام قبول کرن دی وجہ مسلم ڈائجسٹ چ سید مودودی دا چھپن آلا مضمون حیات بعد موت سی جس دے بعد اوہناں نے 5 دسمبر 1960ء چ سید مودودی نال خط راہیں پہلا رابظہ کیتا ۔

1962ء چ اوہ لہور آئیاں تے مودودی تے اسدے ٹبر نال ملیاں ۔ بعد چ اوہناں نے پاکستان چ ای محمد یوسف خان ناں دے بندے نال ویاہ کر لئیا ۔

اوہ محمد مارمادوک پکتھال دے ترجمہ قرآن تے محمد اسد دی یہودیت چھڈ کے اسلام ول آن دی کہانی توں بے حد متاثر سن ۔

مریم جمیلہ اج کل لہور چ رہائش پزیرنیں۔