مشرق بعید جمہوریہ

Wikipedia توں
جاؤ: پاندھ, کھوج
مشرق بعید جمہوریہ دا نشان
مشرق بعید جمہوریہ دا جھنڈا



مشرق بعید جمہوریہ ، جسنوں کدی کدی جمہوریہ چیتا وی آکھئیا جاندا سی ، روسی مشرق بعید تے جھیل بیکال دے چڑھدے چ واقع سائبیریا دے علاقے تے مشتمل اک برائے ناں آزاد ریاست سی ، جس دی بنیاد 6 اپریل 1920ء چ بلاگوویشچینسک شہر چ رکھی گئی ۔ اگرچہ ناں دے طور تے ایہہ آزاد سی پر اس تے بوہتا کنٹرول روسی سویت وفاقی اشتراکی جمہوریہ دا سی ۔

اج دے روس دے علاقے ، زابائیکالسکی کرائی ، آمور اوبلاست ، خبارووسکی کرائی تے پریمورسکی کرائی اس چ شامل سن ۔ اکتوبر 1920ء توں پہلاں اس دا راجگھر ورخنےاودنسک (اج دا اولان اودے) تے اس دے بعد چیتا شہر سی ۔

جاپانیاں دے ولادی ووستوک توں انخلا دے مگروں ، 15 نومبر 1922ء چ مشرق بعید جمہوریہ نوں روسی سویت وفاقی اشتراکی جمہوریہ چ ضم کر لئیا گئیا ۔


تریخ[لکھو]

File:Far eastern Republic.jpg
مشرق بعید جمہوریہ دا سویت یونین دے نقشے وچ محل وقوع

مشرق بعید جمہوریہ دا پہلا صدر الیگزانڈر کرانسوشچیوکوف سی ۔ اس ریاست دا قیام نویں روسی بالشویک حکومت دی شاطرانہ مدد نال کجھ بیرونی سیاسی وجوہات پاروں ، روسی سویت وفاقی اشتراکی جمہوریہ تے جاپان دے مل مارے علاقےآں وچکار اک بفر سٹیٹ دے طور تے ، عمل وچ آئیا ۔ کیونجے اس علاقے چ موجود جاپان دے 70،000 فوج ، بالشویک مخالف روسی گروہ سفید تحریک دی عسکری بانہہ سفید فوج دی حمایت کردی سی ۔ ولادیووستوک تے بحر الکاہل تے کئی روسی علاقے تے چین دے نالدے روسی سرحدی علاقے 1918ء توں جاپان دے قبضے چ سن ۔ 1920ء توں 1922ء دے وچکار جاپانی فوجاں ، مرحلہ وار چڑھدے سائیبیریا توں نکل گئیاں ۔

عوامی انقلابی فوج چیتا شہر چ داخل ہندی ہوئی

شروع چ مشرق بعید جمہوریہ صرف ورخنے اودنسک دے دوالے دے علاقےآں تے مشتمل سی ، پر 1920ء دیاں گرمیاں وچ آمور علاقے دی کیمونسٹ حکومت نے اس چ شمولیت اختیار کر لئی ۔

علاقے[لکھو]

مشرق بعید جمہوریہ دیاں سرحداں جھیل بیکال دے لہندے ساحلاں توں ، منگولیا تے چین دیاں شمالی سرحداں دے نالوں لے کے چکچی تے جزیرہ نما کمچاٹکا (صحیح تلفظ "کمچاتکا") تک سن ۔ بریات لوکاں د علاقے روس تے مشرق بعید جمہوریہ وچکار ونڈ ہوئے سن :لہندے حصے تے روس تے چڑھدے حصے تے مشرق بعید جمہوریہداکنٹرولسی۔