ملالہ یوسفزئی

Wikipedia توں
(لیایا گیا ملاله یوسفزئی)
جاؤ: پاندھ, کھوج
ملاله یوسفزئی
Malala Yousafzai at Girl Summit 2014.jpg
جمی: 12 جولائی 1997
جمن پو: مینگورا، پاکستان
ایوارڈ : امن دا نوبل انعام
گن: کڑیاں دی پڑھائی لئی بولن آلی

ملاله یوسفزئی (جمی: 12 جولائی 1997) مینگورا، ضلع سوات پاکستان دی اک سکول پڑھاکو اے۔ اوہدی مانتا کڑیاں دی پڑھائی تے حقاں لئی بولن تے اے۔ ایہناں گلاں تے 9 اکتوبر 2012 وچ اوہنوں سر وچ گولی ماری گئی۔ ملالہ نوں 2014 دا امن دا نوبل انعام دتا گیا۔

ملاله یوسفزئی 12 جولائی 1997 نوں مینگورا، ضلع سوات، پاکستان وچ جمی۔ ضیاءالدین اوہدا پیو شاعر تے اک سکول چلاندا اے۔ اوہدے دو نکے پرآ نیں۔ اوہدے پیو نے اوہدی پڑھائی سکھلائی چآ نال کیتی تے اوہنوں اگے ودن وج ہلہ شیری دتی۔ ملاله اپنے پڑھائی دے حق لئی ستمبر 1908 توں نکی عمر وچ ای بولن لگی۔ اوہدا پیو اوہنوں پشاور پریس کلب وچ لیایا تے اوتھے اوہ طالبان دے اوہدے پڑھن دے حق نوں روکن دے خلاف بولی۔


2009 دے مڈھ وچ اوہ بی بی سی دے اردو بلاگر وچ اپنے علاقے وچ طالبان دے ہتھوں ہون والی تباہی بارے لکھن لگی۔ امریکی اخبار نیویارک ٹائمز نے اوہدے تے اک وڈیو فلم بنای جیہڑی ایہدے جیون تے سوات بارے اے۔ 2009 وچ اوہدی ملنی اچیچے امریکی سفیر ہالبروک نال ہوئی۔ جیو ٹی وی چینل دے پروگرام کیپیٹل ٹاک وچ اوہدے تے پروکرام کیتا جاندا اے۔ اکتوبر 2011 وچ ڈسمونڈ ٹوٹو ملالہ نوں نیاناں دا امن انعام دین دا ہوکا دیندا اے تے اوہدی مانتا پورے پاکستان تک اپڑدی اے۔ 2 مہینے مگروں اوہنوں پاکستان ولوں نیشنل یوتھ پیس ایوارڈ دتا جاندا اے۔ 3 جنوری 2012 نوں سوات وچ اک سیکنڈری سکول دا ناں اوہدے ناں تے رکھیا جاندا اے۔ 15 اکتوبر 2012 نوں اوہنوں تمغہ شجاعت دتا گیا۔

9 اکتوبر 1912 نوں اوہنوں سکول جان لگیاں اک طالبان نے سر وچ دو گولیاں ماریاں۔ ملالہ نوں ہیلی کاپٹر وچ پا کے پہلے پشاور تے فیر 11 اکتوبر نوں راولپنڈی لیایا گیا۔ 13 اکتوبر نوں اوہنے اپنے چارے ہتھ پیر ہلاۓ۔ 15 اکتوبر نوں اوہنوں ہور علاج لئی برمنگم، برطانیہ پیجیا گیا۔


عالمی تلیم لئی اقوام متحدہ دے سفارتی وزیر گورڈن براؤن نے "میں ملالہ آں" دے ناں تے اک گزارش دا مڈھ کیتا اے جیدی مانگ اے کہ 2015 تک دنیا چ تمام جواک سکولاں وچ ہون۔

یونائیٹڈ نیشنز دے سیکریٹری جنرل بین کی مون نے 10 نومبر نوں " ملالہ دیہاڑہ" منان دا سدا دتا اے۔

10 اکتوبر 2014 نوں ملالہ نوں امن دا نوبل انعام دتا گیا۔

ہور ویکھو[لکھو]

بارلے جوڑ[لکھو]