ملک شاہ اول

Wikipedia توں
جاؤ: پاندھ, کھوج
Büyük Selçuklu Sultanı Melikşah.jpg

جلال الدولہ ملک شاہ المعروف ملک شاہ اول 1072ء توں 1092ء تک سلجوق سلطنت دا حکمران رہیا ، اوہ اپنے والد الپ ارسلان دی وفات دے بعد تخت نشین ہوئیا ۔ ایہہ لائق تے بہادر باپ دا سچا جانشین سی تے اوصاف چ وی الپ ارسلان نال مشابہ سی ۔ الپ ارسلان نے اپنی زندگی چ ای اسنوں اپنا جانشین نامزد کردتا سی ، خلافت عباسیہ دے خلیفہ قائم بااللہ نے اسدی دی تصدیق کردتی تے اسدا خطبہ تے سکہ سارے سلجوقی مقبوضات چ جاری ہوگئیا ۔ اسدا عہد سیاسی عروج ، علمی ترقی تے دینی عظمت دے لحاظ نال بہت اہم سی ۔ اسدے عہد چ پورے دمشق نوں سلجوق سلطنت چ شامل کرلئیا گئیا ، بلکہ ترکستان نوں فتح کرکے خاقان چین تون وی خراج وصول کیتا گئیا تے اسلامی جھنڈا ساحل شام تک لہرائیا گئيا ۔ اسدے عہد چ ہر پاسے خوشحالی تے امن و امان سی ، تجارت تے صنعت نوں ترقی مل رہی سی ، رستے محفوظ سن ۔ اسدا عہد ہر لحاظ نال سنہری دور سی ۔

اوہ انتہائی بہادر سی تے جدھر دا وی رخ کیتا اوتھے کامیابی حاصل کیتی ۔ ہر دشمن نوں زیر کیتا تے سلجوقی سلطنت نوں وسعت دتی ۔

سنہ 1092ء اسدے انتقال دے بعد سلجوقی سلطنت دا زوال شروع ہوگئیا تے اوہ مختلف حصیاں چ تقسیم ہوگئی ۔ اناطولیہ چ قلج ارسلان I نے سلاجقہ روم یعنی سلطنت روم دی بنیاد رکھی ، شام چ اسدے بھائی تتش I ، عراق چ برکیارق ، فارس چ محمود I تے خراسان چ احمد سنجر برسر اقتدار آگئے ۔

سلجوقیاں دے آپس دے اختلافات ای 1096ء چ پہلی صلیبی جنگ چ عیسائیاں دی فتح دا باعث بنے تے اوہناں نے بیت المقدس فتح ، کرلئیا ۔

نالدے مضمون[لکھو]