مہرگڑھ

Wikipedia توں
جاو: مدد, کھوج
Carte Indus.jpg

مہرگڑھ پرانیاں تھاواں چ اک وکھری تھاں اے۔ اے اج توں 9000 توں لے کے 5200 ورے پہلاں تک وسدا سی۔ اے بلوچستان پاکستان دے کچھی دے پاسے اے۔ اے دکھنی ایشیاء دیاں پہلیاں تھاواں چ اے جتھے کنک تے جوں پہلی آری بیجے گۓ تے جتھے پہلی آری ڈنگر پالن دا پتا لگدا اے۔

مہرگڑھ درہ بولان دے نیڑے کر کے اے تے اس تھاں نوں 1974 چ فرانسیسی گرو جارج نیں اپنی ٹولی نال لبیا۔1974 توں 1986 تک کھوج جاری رئی۔

رہتل[لکھو]

مہرگڑھ دے لوک کچیاں اٹاں دے کعراں چ ریندے سن۔ اناج کھٹا کر کے رکھدے سن، تانبے دے اوزار بناندے سن، اپنی ٹوکریاں چ لک لاندے سن، چھ لیناں چ وائی بیجی کردے سن تے دھات دیاں چیزاں بناندے سن۔ اے نگری 4600 ورے پہلاں تک وسدی رئی۔ اپریل 2006 دے سائینسی رسالے نیچر وچ اے گل لکھی گئی کہ مہرگڑھ اوہ پہلی جگہ سی جتھے اک زندہ بندے دے دنداں وچ ڈرل کیتی گئی۔

ساکھ[لکھو]

مہرگڑھ دی رہتل نوں ہڑپہ دی رہتل توں پرانہ من لیا گیا اے۔ احمد حسن دانی کیندے نیں کہ "مہرگڑھ دیاں کھوجاں نیں ہڑپہ رہتل دے بارے چ سوچ نوں بدل دتا اے"۔