میزائل

Wikipedia توں
جاو: مدد, کھوج
ایف 16 اک میزائل چلا ریا اے

میزائل اک اپنے آپ ٹرن آلا پروجیکٹائل ہوندا اے۔ میزائل نوں راکٹ یا جیٹ انجن نال ٹوریا جاندا اے۔ میزائلاں چ اک یا دو بمب ہوندے نیں پر دوجے ہتھیار وی لاۓ جاسکدے نیں۔ میزائل تے راکٹ دے درمیان اے فرق اے کہ میزائل چ اک کھوج آستے سسٹم ہوندا اے۔

ٹیکنالوجی[لکھو]

کھوجی سسٹم[لکھو]

اک بیلسٹک میزائل اپنی گڈی اتے

میزائلاں نوں دشمناں دا راہ دسن آستے اک کھوجی سسٹم ہوندا اے۔ زیادہ تر ریڈیایشن کھوج لان آستے ورتیاں جاندیاں نیں اے ریڈیایشناں انفرا ریڈ، لیزر تے ریڈار دیاں مورتاں چ ہو سکدیاں نیں۔ اے ریڈیایشناں نشانے توں لئیاں جا سکدیاں نیں جیسا کہ کوئی ٹینک گرمی دی مورت چ انفراریڈ ریڈیایشناں دیندا ہوۓ یا فیر کسے ریڈار توں نشانے دے اتے ریڈیایشناں سٹ کے اودا کھوج لایا جاسکدا اے۔

اڈان آلے سسٹم[لکھو]

میزائل نوں نشانے تک لے جان آستے ایدے چ سسٹم ہوندے نیں جیڑے کہ اے دیہان رکھدے نیں کہ اے راہ توں پٹک نہ جاۓ۔ اے سسٹم پراں دی مورت چ وی ہو سکدے نیں یا فیر تھرسٹ ویکٹر دی مورت چ وی۔

انجن[لکھو]

ایمریم جعاز مار میزائۂ

عام طور میزائل رکٹ انجن ورتدے نیں جیناں چ ٹھوس بالن ورتیا جاندا اے تا کہ چلان چ آسانی ہوۓ۔ کج بیلسٹک میزائلاں چ مایہ بالن ورتیا جاندا اے تے راکٹ انجن لگیا ہوندا اے۔ کروز میزائلاں چ جیٹ انجن ہوندا اے کیونجہ اے بوت ہلکہ ہوندا اے۔ ریم جیٹ انجن وی کج میزائلاں چ ورتے جاندے نیں۔

ہتھیار[لکھو]

میزائل چ اک یا دو ہتھیار وی لگے ہوندے نیں۔ ٹینکاں نوں تباہ کرن واسطے دو بمب لگے ہوندے نیں اک پہلاں پھٹدا اے تے اودا بکتر پن چھڈدا اے تے دوجا باقی کم کردا اے۔ بیلسٹک میزائلاں چ 1 توں 12 بمب ہو سکدے نیں جیڑے کے ایٹم بمب وی ہو سکدے نیں۔ کروز میزائلاں چ اک بمب ای ہوندا اے تے اوہ ایٹم بمب وی ہو سکدا اے۔ اس توں علاوہ کج میزائل کلسٹر بمب وی لے کے جاندے نیں۔ کلسٹر بمب نکے نکے تے بوت سارے بمب ہوندے نیں جیڑی کہ بوت تباہی چکدے نیں۔

ورتیا جانا[لکھو]

بیلسٹک میزائل[لکھو]

بیلسٹک میزائل زمین توں یا پنڈوبی توں چلاۓ جاندے نیں تے اوہ زمین تے ای آکے وجدے نیں۔ اوہ زیادہ تر ایٹم بمب نوں ہتھیار دے طور تے ورتدے نیں۔ بیلسٹک میزائل 15000 کلومیٹر تک جاسکدے نیں تے 12 ایٹم بم چک سکدے نیں تے اوہ دنیا دے سب توں خطرناک ہتھیار نیں۔ اک بیلسٹک میزائل انی چک سکدا اے۔

کروز میزائل[لکھو]

کروز میزائل ہوا، زمین تے پانی توں چلاۓ جا سکدے نیں۔ اوہ زمین دے بوت نال ہو کے اڈدے نیں تا کے ریڈار توں لک سکن۔ کروز میزائل اک بمب، کلسٹر بمب یا فیر اک ایٹم بمب لے کے جاندے نیں۔ کروز میزائل بوت چنے گۓ نشانیاں تے ماریا جاندا اے۔ کروز میزائل پانی دے جعازاں نوں مار آستے وی ورتیا جاندا اے۔

جعاز مار میزائل[لکھو]

جعاز مار میزائل دوجے ممیزائلاں توں نکے ہوندے نیں۔ اوہ گڈی، پانی دے جعاز، جعاز تے کندے توں چلاۓ جاسکدے نیں۔ کندے توں چلاۓ جان آلے میزائل 15-20 کلوگرام تک ہوندے نیں۔ اے میزائل جعازاں دی گرمی نوں ویکھ کے اوناں پچھے جاندے نیں یا فیر ایناں نوں ریڈار نال نشانے دا دسیا جاندااے۔