نڑی

نڑی
دیس:	جنور
برادری:	کورڈیٹ
نکی برادری:	کنگریڑے
ٹولی:	پنچھی
ٹبر:	بگلا
سائینسی ناں:	Ardea cinerea

Ardea cinerea

نڑی پانی دے پنچھیاں دے اک ٹبر بگلا دا سنگی اے۔ ایہ ایشیاء، افریقہ تے یورپ دے گرم گلے تھانواں دا پنچھی اے۔ ایہدے نڑی وانگوں لمے ہون بہاجوں ایہ ناں پیا اے۔

وکھالہ

ایہ اک وڈا پنچھی اے جیہڑا کھڑیاں 100 سینٹی میٹر (39 انچ) ہوندا اے تے 84–102 سینٹی میٹر (33–40 انچ) لما اے۔ ایہدا پرپسار 155–195 سینٹی میٹر (61–77 انچ) ہوندا اے۔ ایہدا جوکھ 1.02–2.08 کلو ہوندا اے۔ ایہدے پر اتوں ہلکے سانولے تے تھلیزں ہلکے چٹے ہوندے نیں۔ سر تے لیٹی پدھری کالی لیک بنی ہوندی اے۔ ایہدی گلابی پیلی چنج ہوندی اے۔ ایہدی اڈاری ہولی ہوندی اے دوجے بگلیاں وانگوں تون وچ ول ہوندا اے۔

کھان پین

ایہ تھوڑے ڈونگھے پانیاں وچ مجھیاں کیڑے تے ڈڈو پھر کے کھاندا اے۔ ایہ نکے ددپلانے، کرلے تے پنچھی وی کھا جاندا اے۔ ایہ اپنے شکار لئی چپ چاپ بنا ہلے جلے کھڑا رہ سکدا اے۔