نیشنل جیوگرافک سوسائٹی

Wikipedia توں
جاو: مدد, کھوج
Natgeologo.svg
ماٹو "جغرافیائی علم نون ودانا تے پھیلانا، دنیا دے تریخی رہتلی تے فطری وسیلیاں نوں بچان دی مشہوری کردیاں ہویاں."
بنی 1888
صدر جان ایم فاہے
ہیڈکواٹر واشنگٹن ڈی سی
سنگی 85 لکھ
ٹورن والا گارڈنر گرین ہبرڈ
ویب سائٹ NationalGeographic.com



نیشنل جیوگرافک سوسائٹی۔ دنیا دا سب توں وڈا تعلیمی تے سائنسی ادارہ اے تے اے اپنے کماں تے کوئی منافع نئیں لیندا۔ اے سوسائٹی 1888 وچ بنی۔ سوسائٹی جیوگرافی، آرکیالوجی، فطری سائنساں، آلے دوالے دے بچاؤ تے اس دنیا دی رہتل تے تریخ دی تانگ رکھدی اے۔

نیشنل جیوگرافک سوسائٹی دا نشان اک چورس پیلے رنگ دا فریم اے جیڑا ایدے میگزیناں دے بعار لگیا ہندا اے۔

نیشنل جیوگرافک میگزین

کم[لکھو]

نیشنل جیوگرافک سوسائٹی دا تریخی مشن جغرافیائی علم نون ودانا تے پھیلانا، دنیا دے تریخی رہتلی تے فطری وسیلیاں نوں بچان دی مشہوری کردیاں ہویاں۔ مارچ 1998 توں اس دے صدر جان ایم فاہے دا کینا اے جے سوسائٹی دا مقصد لوکاں چ زمین دی ویکھ چعاک داشوق ابھارنا اے۔ سوسائٹی نوں 23 سنگیاں دی ٹولی چلاندی اے جناں چ ناں والے پڑھاکو کاروباری، سرکاری کمی تے دنیا دے آلےدوالے نوں بچان والے ہیگے نیں۔ سوسائٹی سائنسی کھوج لئی تھاپڑا دیندی اے نالے پیسے وی دیندی اے۔

سوسائٹی اک میگزین نیشنل جیوگرافک میگزین تے کئی ہور میگزین کتاباں فلماں نقشے کئی بولیاں تے دنیا دے وکھرے دیساں چ چھاپدی اے۔ ایدی کمیٹی پڑھائی دیاں اداریاں نوں تے لوکاں نوں جغرافیۓ دی جانکاری لئی پیسے دیندی اے۔ سوسائٹی ہن تک 9000 توں ود واری دنیا دی وکھریاں تھاواں تے جغرافیۓ تے ہور جانکاری دے ودا لئی پیسے دے چکی اے۔ تے ایدیاں فلماں تے میگزین ہر مہینے 36 کروڑ لوکاں تک اپڑدے نیں۔ سوسائٹی دا واشنگٹن چ اک مفت میوزیم اے سوسائٹی دنیا چ نمیشاں دا بندوبست وی کردی اے۔

تریخ[لکھو]

ہیڈکواٹر

13 جنوری 1888 نوں کوسموس کلب واشنگٹن ڈی سی چ 33 کھوجی تے سائنسدان جغرافیۓ دے علم نوں ودان تے پھیلان لئی اک سوسائٹی بنان لئی کٹھے ہوۓ۔ ایدا قنون تے کم کرن دی راہ سوچن توں دو ہفتیاں مغروں 27 جنوری نوں نیشنل جیوگرافک سوسائٹی بن گئی۔ ایدا پہلا چوہدری گارڈنر گرین ہبرڈ سی تے اودے مرن توں مغروں اودا جوائی گراہم بل ایدا چوہدری 1897 چ بنیا۔ بل دا جوائی گلبرٹ ہووے گراسوینار ایدے میگزین دا پہلا پکا ایڈیٹر بنیا۔ تے اونے 50 سال تک اس ادارے دی سیوا کیتی۔ گراسوینار دا ٹبر سوسائٹی نال جڑیا ریا۔ سوسائٹی اپنے کماں تے کئی تمغے لے چکی اے۔

سوسائٹی تے ہڑپہ رہتل[لکھو]

نیشنل جیوگرافک سوسائٹی پاکستان چ ہڑپہ رہتل دے گڑاں ہڑپہ تے موئنجو داڑو نوں بچان دی کوشش کر رئی اے۔ سوسائٹی دے میگزین چ اس بارے چ آرٹیکل وی آ چکیا اے۔

نیشنل جیوگرافک میگزین[لکھو]

ہبرڈمیڈل

سوسائٹی نے اپنے بنن توں مغروں اپنے کماں نوں دنیا نوں دسن لئی سوسائٹی دے بنن توں 9 مہینیاں بعد اک میگزین نیشنل یوگرافک میگزین ٹوریا۔ اے میگزین اک ورے چ 12 واری چھپدا اے تے ایدا بارلا صفحے تے ایدا پیلے رنگ دا نشان ہوندا اے۔ میگزین نال کدے کدے نقشہ وی ہوندا اے۔ اے میگزین ہن دنیا دی 32 بولیاں چ چھپدا اے۔ میگزین دے مل دا 80٪ میگزین دا خرچہ ہوندا اے تے 20٪ سوسائٹی دے کھوج دے کماں لئی ورتیا جاندا اے۔ میگزین جغرافیہ تریخ سائنس فطرت فوٹوگرافی دے بارے چ ہوندا اے۔ اے 90 لکھ دی گنتی چ چھپدا اے تے اس میگزین نوں 5 کروڑ دے نیڑ لوک پڑھدے نیں۔

نیشنل جیوگرافک چینل[لکھو]

1997 توں نیشنل جیوگرافک سوسائٹی نے اپنے ٹی وی چینل ایدے تے تاریخ جغرافیہ سینس فطرتت تے ہور رلدے راہواں تے بارے چ فلماں دسیاں جاندیاں نیں۔

ہور میگزین[لکھو]

  • نیشنل جیوگرافک ٹریولر
  • نیشنل جیوگرافک ایکسپلورر
  • نیشنل جیوگرافک ایڈونچرر
  • نیشنل جیوگرافک فار کڈو

بارلے جوڑ[لکھو]

ثبوت[لکھو]