نیلا شام

آزاد انسائیکلوپیڈیا، وکیپیڈیا توں
نیلا شام
پچھان
دیس : بوٹے
برادری : پھلوالے بوٹے
ٹبر: پریم شاہی
جنس: شامی
سائینسی ناں: Passiflora caerulea

نیلا شام پریم شاہی ٹبر دا اک ویل والا بوٹا اے۔ ایہ دکھنی امریکہ (ارجنٹائن، یوراگوۓ، پیراگوۓ تے برازیل) دا واسی اے تے ایہ 10 میٹر یا ودھ لما ہوسکدا اے۔ ایہ تکڑی جانوالی تے پتچڑی یا سدارہنی ویل اے۔

ناں[سودھو]

ایہدی سہنپ باجوں ایہدا پنجابی ناں شام اے تے نیلے رنگ باہجوں نیلا شام رکھیا گیا اے۔ ایہدا سائینسی ناں کارل لنیاس نے 1753 وچ اپنی بوٹیاں دییاں ونڈاں تے کتاب سپیشیز پلانٹارم (ص۔959-960) لکھیا۔

وکھالہ[سودھو]

نیلا شام اک لکڑ ویل اے جیہڑی 15–20 میٹر تک جاندی اے اگر کسے رکھ دا آسرا ہووے۔ پتے ہتھ ونگوں انگلاں بناندے نیں تے جیدیاں 3 توں 7 تک انگلاں ہوسکدیاں نیں جیہڑیاں 10–18 سینٹی میٹر تک لمیاں ہوندیاں نیں۔ پھل دا قطر 10 سینٹی میٹر تک ہوسکدا اے۔ پتیاں چٹیاں نیلیاں ہوندیاں نیں تے پھل مالٹے رنگ دا 6 سینٹی میٹر لما تے 4 سینٹی میٹر قطر دا ہوندا اے جیدے وچ کئی بی ہوندے نیں جنہاں نوں میمل تے پنچھی کھاندے نیں۔ انسان وی کھاندے نیں پر ایہدا سواد نئیں ہوندا۔ ٹراپیکل ہون باہجوں سارے ورے پھل دیندا اے۔

اگائی[سودھو]

ایہ بی تون اگدا اے تے عام کنداں تے چڑھان لئی یا زمین نوں لکان لئی اگائیدا اے۔ جدوں تک ایہدی جڑ ناں وڈی جاوے ایہدیاں پتیاں اگدیاں ریندیاں نیں۔ پھلواریاں وج اگان لئی ایہدیاں کئی ونڈاں بنایاں گیآں نیں۔

رہتل وچ[سودھو]

ایہ پیراگوۓ دا قومی پھل اے۔ ایس پھل نوں سآئی اپنا مزہبی نشان وی مندے نیں۔


بارلے جوڑ[سودھو]