واشنگٹن ڈی سی

واشنگٹن ڈی سی
Washington D C
چنڈا	نشان
دیس:	امریکہ
تھاں:	177 مربع کلومیٹر
لوک گنتی:	5.3 ملین
بولیاں	انگریزی

واشنگٹن ڈی سی (District of Columbia) امریکہ دا راجگڑھ اے ایدی نیو 16 جولائی 1790 چ رکھی گئی سی۔ اے امریکہ دے کسی صوبے چ نیں آندا تے ایدا ناں پہلے امریکی صدر تے ہیرو جارج واشنگٹن دے ناں تے رکھیا گیا اے۔ اے شہر دو امریکی صوبیاں ورجینیا تے میری لینڈ دے وشکار ولگن تے دریاۓ پوٹومک دے کنڈے تے وسایا گیا اے۔

17ویں صدی چ یورپی لوکاں دے آن تون پہلے ایتھے ریڈانڈین وسدے سن۔ 18ویں صدی دے ٹرن تے اوناں نوں کتے ہور وسایا گیا۔ امریکہ دے ازاد ہون مکروں امریکہ نوں اک راجگڑھ دی لوڑ سی جیہڑا کسے وی صوبے چ ناں آندا ہووے۔ ایس لوڑ نون ویکھدیاں ہویاں 16 جولائی 1790 چ ایتھے امریکی راجگرھ دی نیو رکھی گئی۔ 9 ستمبر 1791 نوں ایدا ناں امریکہ دے پہلے صدر جارج واشنگٹن دے ناں تے واشنگٹن رکھیا گیا۔ ڈسٹرکٹ آف کولمبیا چ کولمبیا اوس ویلے امریکہ دا شاعرانہ ناں سی تے ایہ ایس لئی چنیا گیا۔ 24 تے 25 اگست 1814 نوں برطانوی فوجاں نیں واشنگٹن تے ہلہ بولیا تے کئی تھانواں نوں اگ لا کے ساڑ دتا۔ مارٹن لوتھر کنگ دے قتل ہون تے 4 اپریل 1968 نوں ایس شہر چ فساد ہوۓ۔

جغرافیہ

واشنگٹن ضلعے دا کل تھاں 177 مربع کلومیٹر اے۔ جیدے چوں 159 مربع کلومیٹر سکی تھاں اے تے 18 مربع کلومیٹر تے پانی اے۔ اے ضلع دو امریکی صوبیاں میری لینڈ تے ورجینیا دے ولگن تے اے۔ ضلعے چوں دریاۓ پوٹومک لنکدا اے۔ ایس ضلعے دی سب توں اچی تھاں 125 میٹر سمندر توں اچی اے۔ ضلغے دے 19٪ دے نیڑے تھاں تے پارک نیں۔

موسم

سال چ شہر دا گرمی ناپ 31 تے منفی 3 ڈگری سنٹی گریڈ دے ناپ دے وشکار ریندا اے۔

ہور ویکھو

• وائٹ ہاؤس
• جیفرسن میموریل
• یونائیٹڈ سٹیٹس کیپیٹل
• لنکن میموریل
• پاکستانی ایمبیسی

بارلے جوڑ

• [1]شہر دی ویب سائیٹ

امریکہ دے شہر

واشنگٹن ڈی سی · نیو یارک شہر · شکاگو ·