واصف علی واصف

Wikipedia توں
جاو: مدد, کھوج
واصف علی واصف
جمن پو: 15 جنوری 1929 خوشاب, پاکستان
مرن پو: 18 جنوری 1993 پاکستان
کم : اردو لکھاری' ادیب, صوفی, شاعر
گن: اردو' شاعری صوفیانہ کلام
دیس: پاکستان
مشھور لکھتاں: دل دریا سمندر

"واصف علی واصف پاکستان چ اردو ادب دے جانے پچھانے لکھاری سن. او اک استاد شاعر تے صوفی وی سن۔ او اپنے مخصوص ادبی انداز تے لکھت وچ مشعور سن۔ اوناں نیں مختلف معاشرتی عنواناں تے نثری جملے لکھے۔ او پاکستان دے مشعور اخبار نوائے وقت وچ کالم وی لکھدے سن۔ اوناں دے لکھے ہوئے کالماں نوں اک کتاب دی شکل وی دتی گئے۔ او اردو تے پنجابی بولیاں چ شاعری کردے سی۔ لہور چ اپنی حیاتی دے اخیر لے دناں چ او کج مشعور ادبی لوکاں دی بیٹھک وچ سوال جواب کردے سی۔ بعد چ گفتگو دے ناں توں اوس بیٹھک دی آڈیو ریکارڈنگ وی شائع کیتی گئی۔

اوناں نے کل 35 کتاباں لکھیاں جیڑیاں صوفی ازم، روحانیت تے انسانیت توں متعلق اوناں دی سوچاں تے مشتمل نیں۔

جیون[لکھو]

واصف علی واصف نے 15 جنوری 1929 نوں ضلع خوشاب چ جمن لیا۔ اوناں دے والد ملک محمد عارف اک استاد سن۔ واصف ہوراں دینی تلیم اپنے والد کولوں کعر چ تے پریمری تلیم خوشاب دے اک سکول توں حاصل کیتی۔


دسویں جماعت دا امتحان گورمنٹ ہائی سکول خوشاب توں 1944 وچ پاس کیتا تے فیر تسی چنگ آگئے۔ انٹرمیڈیٹ تے گریجویشن چنگ توں پاس کر کے تسی لہور ٹر گئے تے اسلامیہ کالج سول لائن چ داخلہ لیا۔ ایتھوں تسی حساب وچ ماسٹر دی ڈگری لئی۔ ایس توں بعد گورنمنٹ کالج لہور توں انگریزی چ ماسٹر کیتا۔

مزار[لکھو]

واصف علی واصف نے 18 جنوری 1993 نوں وفات پائی۔ اپنے صوفیانہ طرز حیاتی دی وجہ توں او حضرت واصف علی واصف دے ناں توں وی مشعور ہوئے۔ اوناں دا مزار لہور دے مشعور چوک چوبرجی چ واقع اے۔ اوناں دا عرس ہر سال رجب دی 22 توں 24 تریخ نوں منایا جاندا اے۔


اک لکھاری[لکھو]

واصف علی واصف دی حیاتی دا وڈا حصہ غور و فکر چ مشتمل ریئا۔ اوناں دی زبان یا قلم توں نکلیا ہوئیا ہر لفظ اپنے اندر سو معنی رکھدا اے تے اوناں دی لکھت پڑھن آلیاں لئی علم دے خزانے دی حیثیت رکھدی اے۔ اک لکھاری دی حیثیت توں او اپنے اندر بڑی خوبیاں دے مالک سن۔ اوناں دی اک وڈی خوبی اے وی سی کہ او اک وڈی یا ڈونگی گل نوں بڑاے اسانی نال بیان کردے سن۔ اوناں دی لکھی ہوئی گل اپنے مطلب وچ بڑی ڈونگی سوچ رکھدی سی۔ اشفاق احمد ، حنیف رامے، سراج منیر تے ہور ادبی لوک اوناں دی خوبیاں نوں مندے نیں۔

اک صوفی[لکھو]

واصف علی واصف اک صوفی تے درویش وی سن۔ اپنی اخیرلے حیاتی چ او کئی لوکاں لئی مرشد دی حیثیت رکھدے سن۔ او اپنے اندر علم دا بڑا وڈا خزانہ رکھدے سن۔ قدرت اللہ شہاب، اشفاق احمد تے حنیف رامے اوناں دے لیکچر سنیاں کردے سی۔


لکھتاں[لکھو]

  • شب چراغ (اردو شاعری)
  • کرن کرن سورج
  • دل دریا سمندر (مضامین)
  • قطرہ قطرہ قلزم (مضامین)
  • حرف حرف حقیقت
  • پعرے پڑولے (پنجابی شاعری)
  • بات سے بات
  • شب راز
  • گم نام ادیب (خطوط)
  • مکالمہ (مکالمے، خطاب تے تعارف)
  • ذکر حبیب (نعتیہ شاعری)
  • دریچے
  • گفتگو (سوال جواب سیریز- 25 حصے)
  • Ocean in Drop (قطرہ قطرہ قلزم دا انگریزی ترجمہ)
  • [1] آن لائن پڑھو


ہور ویکھو[لکھو]

بارلے جوڑ[لکھو]