ٹورز دی لڑائی

ٹورز دی لڑائی(عربی: بلاط الشہداء) 10 اکتوبر 732ء (114ھ) فرانس دے شہر تورز دے نیڑے لڑی جان والی جنگ سی ۔ جس چ دمشق چ قائم خلافت بنو امیہ نوں فرانس دے ہتھوں شکست ہوئی ۔

اندلس دی فتح دے ویلے توں ای مسلماناں دی ایہہ خواہش سی کہ اوہ فرانس تے قبضہ کرن فرانس تے باقاعدہ حملہ ہشام دے زمانے چ ہوئیا جس دی بدولت مسلمان وسط فرانس تک پیش قدمی کرن چ کامیاب ہوگئے ۔

عنبسہ دا حملہ

امیر اندلس عنبسہ نے 107ھ چ فرانس تے باقاعدہ لشکرکشی کیتی تے قرقشونہ فتح کرلئیا ۔ قرقشونہ دی فتح دی وجہ توں سیٹی مینیا دے سارے علاقےزیراطاعتآگئے۔