ٹکا چور

ٹکا چور
دیس:	جانور
برادری:	کورڈیٹ
ٹولی:	پنچھی
ٹبر :	کاں ٹبر
ٹوکرہ:	رکھوسنا
سائینسی ناں:	Dendrocitta vagabunda

ٹکاچور دی اواز

ٹکا چور کاں ٹبر دا اک رکھوسنا پنچھی اے ۔ ایہدی لمبی مٹھی کوک تے لمبی پونچھ ایہدی نشانی اے ۔ ایہ لموچی ایشیا تے چڑھدے لموچی ایشیا دا پنچھی اے ۔ پاکستان وچ ایہ پنجاب وچ ملدا اے۔

دکھالا

ایہدا سر کالا ، پراں تے دارچینی رنگ تے پونچھ لمبی نیلی سانولی ہُندی اے ۔ پونچھ دا آخری سرا کالا ہُندا اے ۔ پراں تے چٹے لمبے نشان ہُندے نیں تے کناریاں کالیاں۔ پراں دے تھللے پاسے دا رنگ گوڑھا کھٹا ہُندا اے ۔

ایہ 14.4-17.3 سینٹی میٹر لمبا ہُندا اے ۔ ایہدی پونچھ 189-363 ملی میٹر لمبی ہُندی اے ۔ ایہدا جوکھ 90-130 گرام تک ہُندا اے ۔

پسار

ایہ رکھوسنا ٹوکرے دا سنگی اے تے زمین تے گھٹ ای رہندا اے ۔ ایہ جنوبی ایشیائی دیساں وچ عام ملدا اے ۔

کھاݨ پیݨ تے ویہار

ایہ درختاں تے رہندا اے تے پھل فروٹ ، بی ، انکنگریڑے، کرلے تے نکیاں پنچھیاں دے آنڈے ایہدا کھاݨ پیݨ نیں ۔ اپریل توں جون ایہدی بچے کڈھݨ دا سیزن اے ۔ ایہ درختاں وچ آلھݨا بݨوندے نیں ۔ ایہ 3 توں 5 تک آنڈے دیندے نیں ۔

ٹکا چور دیاں تصویراں

• 
• 
• 
• 
• 
• 
• 
• 
• 
• 

ہور دیکھو

• کمادی ککڑ
• کوئل
• کال کلیچی