پرم

Wikipedia توں
جاو: مدد, کھوج
پرم
روس دا شہر
Perm Russia.jpg
پرم دا منظر
Flag of Perm.svg
Coat of Arms of Perm.svg
جھنڈا
نشان
Outline Map of Perm Krai.svg
محل وقوع
شہر دا دن 12 جون
سیاسی حثیت
دیس
روس
وفاقی اکائی پرم کرائی
انتظامی مرکز
پرم کرائی تے ضلع پرمسکی دا
میونسپل حثیت
شہری اوکروگ پرم شہری اوکروگ
میئر
ایگور شوبن
عوامی نمائندگی دا ادارہ شہری دوما
اعداد تے شمار
کل رقبہ
799.68 مربع کلومیٹر
آبادی (2010ء) 9،91،530
آبادی دی گنجانی
1،240 لوک فی مربع کلومیٹر
آبادی چ نمبر
13واں
ویلہ
ییکیترنبرگ ویلہ (یو ٹی سی 6+)
قیام 15 مئی 1723ء
پرانے ناں ییگوشیخا(1940ء تک) تے مولوتوف (1957ء تک)
سرکاری ویب سائیٹ
http://www.gorodperm.ru/

پرم روس دی پرم کرائی دا اک شہر تے انتظامی مرکز (راجگڑھ) اے . پرم شہر روس دے یورپی حصے چ کوہ یورال دے لاگے دریائے کاما دے کنڈے آباد اے ۔ 1940ء توں 1957ء تک اس شہر دا ناں مولوتوف' سی ۔ 2010ء دی مردم مشاری دے موجب شہر دی آبادی 9،91،530 اے جہڑی 2002ء دی مردم شماری دی آبادی 10،01،653 توں گھٹی اے ، جدوں کہ سن 1989ء دی مردم شماری موجب شہر دی آبادی 10،90،944 سی ۔ 2010ء دی مردم شماری موجب ایہہ شہر روس دا نواں سبتوں گنجان آباد [شہر]] اے ۔

پرم شہر چ بالشوئے ساوینو ہوائی اڈا تے بخاریوکا ایئر بیس واقع نیں ۔

ناں[لکھو]

ناں پرم دی اصلیت نامعلوم اے ، شاید اس دا مڈھ یورالی اے ۔

جغرافیہ[لکھو]

دریائے کاما پرم لاگے

پرم شہر دا رقبہ 799.68 مربع کلومیٹر اے ۔

پرم شہر دریائے کاما دے کنڈے اک پہاڑی علاقے اتے واقع اے ۔

پرم دا موسم براعظمی اے ، ایتھے گرمیاں تتیاں تے سردیاں لمبیاں تے ٹھنڈیاں ہندیاں نیں ۔

تریخ[لکھو]

پرم دا ذکر پہلی دفعہ 1647ء چ اک پنڈ دے طور اتے اے ۔ پرم دی نویں تریخ زار روس پیٹر اعظم ولوں یورال دے علاقے ترقی نال شروع ہندا اے ۔ زار روس ولوں یورال کارخانےآں دے مقرر کیتے گئے چیف منیجر وسیلی تاتشچیف نے پرم شہر دی نیونہہ یورال دے علاقے دے اک دوجے اہم مرکز ییکیترنبرگ نال رکھی ۔

پرم دی بنیاد 15 مئی (4 مئی جولیئن کیلنڈر موجب) 1723ء چ رکھی گئی تے اسنوں شہر دا درجہ 29 اکتوبر 1781ء چ ملیا ۔ 1797ء چ ایہہ شہر ایسے ناں دے گوبرنیا دا انتظامی مرکز بنیا ۔

19ویں صدی عیسوی چ پرم تجارت تے صنعت دا وڈا مرکز بنیا تے 1860ء دے دہاکے چ اسدی آبادی 20،000 توں ودھ سی ۔

1916ء چ ، نویں روس دا اک وڈا تعلیمی ادارہ ، پرم سٹیٹ یونیورسٹی قائم ہوئی ۔ روسی خانہ جنگی چ پرم شہر اپنیاں جنگی ہتھیاراں دے کارخانےآں پاروں دونہاں پاسےآں دے حملےآں دا نشانہ بنیا ۔ دسمبر 1918ء چ سائیبیریائی چٹی فوج نے پرم اتے مل مار لیا پر 1919ء چ لال فوج نے مڑ شہر دا قبضہ حاصل کر لیا ۔ پرم چیکا' دے حکم اتے 12 جون 1918ء چ گریند ڈیوک ویخائیل الیگزاندرووچ نوں اسدے سیکٹری نیکولس جانس نال قتل کردتا گیا ، اینہاں دیاں نعشاں کدے وی نئیں لبھیاں ۔ اس دے کجھ ہفتے مگروں 7 جولائی 1918ء چ پرم دے آرچ بشب (اسقف اعظم) آندرونک نیکولسکی نوں وی بالشویکاں نے مار دتا ۔

اہم تھانواں[لکھو]

سویت دور[لکھو]

1930ء دے دہاکے چ پرم ایتھے قائم ہون آلے ایویئیشن' ، بحری جہاز سازی تے کیمیکل کارخانےآں پاروں وڈے صنعتی شہر دے روپ چ ابھریا ۔ ایہہ صنعتی ترقی 1940ء دے دہاکے دے بعد وی جاری رہی تے بوہت ساریاں وڈیاں فیکٹریاں پرم دی پہچان بن گیاں ۔ اج دے دن تک شہر دی تقریبا 80 فیصد آبادی اینہاں کارخانےآں چ ملازمت کردی اے ۔

نواں شہر[لکھو]

ٹی سی چی -9 ہیڈکواٹر

اج پرم شہر روس دا اکوڈا انتظامی ، صنعتی ، سائنسی تے ثقافتی مرکز اے ۔ وڈیاں صنعتاں چوں ایتھے ، مشینری ، دفاعی ، تیل ، کیمیکل ، پیٹروکیمیکل ، ٹمبر تے فوڈ انڈسٹری اے ۔

سن 2004ء توں پرم شہر چ پہلی مسلمان کاسک یونٹ' کم کر رہی اے ۔

آن جان دے ذریعے[لکھو]

پرم شہر ٹرانس سائیبیریا ریلوے اتے اک اہم ریلوے جنگشن اے ، جتھے گھبلے روس ، اتلے یورال تے روسی مشرق بعید توں ریلوے لیناں آکے ملدیاں نیں ۔

پرم دے پبلک ٹرانسپورٹ نیٹورک چ ٹرام ، بس تے ٹرالی بس دے روٹ شامل نیں ۔

انتظامی ونڈ[لکھو]

انتظامی ونڈ
پرم انتظامیہ دی عمارت
نواں پل

پرم شہر 7 شہری ضلعےآں چ ونڈیا ہویا اے:

شہری ضلع آبادی (2010ء موجب)
ضلع دزیرژنسکی 155,659
ضلع اندستریالنی 157,701
ضلع کیورووسکی 127,889
ضلع لیننسکی 48,562
ضلع موتوویلیخنسکی 180,086
ضلع اوردژونکیدزیوسکی 111,293
ضلع سویردلووسکی 210,340

ثقافت تے رہتل[لکھو]

پرم اوپیرا تے بیلے ہاؤس روس دے چنگےآں تھیٹراں چوں اک اے ۔ پرم شہر چ کئی ہور تھیٹر وی نیں ، جنہاں چ ڈرامہ تھیٹر ، پتلی تھیٹر وغیرہ شامل نیں ۔

شہر دے عجائب گھراں تے گیلریاں وشکار پرم سٹیٹ آرٹ گیلری اپنی آرٹ کولیکشن پاروں مشہور اے ، جنہاں چ 15ویں توں 18ویں صدی عیسوی پینٹنگاں (مورتاں) شامل نیں ۔

تعلیم[لکھو]

پرم شہر روس دا اک وڈا تعلیمی تے سائنسی مرکز اے اتھے روسی سائنساں دی اکیڈمی دی یورال شاخ پرم سائسنی مرکز نال کم کر رہی اے ۔

پرم شہر چ گئی وڈیاں یونیورسٹیاں نیں جنہاں چ پرم سٹیٹ یونیورسٹی پرم سٹیٹ ٹیکنیکل یونیورسٹی ، پرم سٹیٹ میڈیکل یونیورسٹی ، پرم سٹیٹ فارماسوٹیکل اکیڈمی ، پرم سٹیٹ زرعی یونیورسٹی وغیرہ شامل نیں ۔

بین القوامی تعلقات[لکھو]

ایتھے دے اہم لوک[لکھو]

اہہ لوک پرم شہر دے مشہور لوک نیں :

  • وکتور آستافیئیف ، روسی لکھاری
  • تاتیانا برودینا ، اوپیرا سوپرانو
  • سرگئی دیاگیلیف ، بیلے رقاص
  • الیگزاندرا کوتینیوک ، عورتاں دی شطرنج دی عاملی چمپیئن
  • دمتری مامن سبیریاک ، لکھاری
  • نکولائی موئیسیف ، خلاباز
  • نتاشا پولے ، رسی سپرماڈل
  • الیگزاندر ستیپانووچ پاپوف ، روسی طبیعات دان ، روس چ ریڈیو دا موجد
  • آندرونک نکولسکی ، کیوٹو ، چاپان دا پہلا بشپ
  • آرکادی شویتسوف ، سویت ایئرکرافٹ انجن ڈیزائنر

ہور ویکھو[لکھو]

باہرلے جوڑ[لکھو]

تعلیمی جوڑ[لکھو]


Template:روس دے شہر