پسکوف جمہوریہ

Wikipedia توں
جاؤ: پاندھ, کھوج
پسکوف دی قرون وسطی دی کریملن ج اک گرجا
یورپ دے سن 1400ء دے نقشے چ پسکوف
پسکوف ، وکتور واسنیتسوف دی بنائی مورت
ٹیونونک ٹائٹس پسکوف چ الیگزینڈر نوسکی (فلم) دا اک سین


پسکوف جمہوریہ (روسی بولی چ:پسکووسکایا ریسپوبلیکا ) 13ویں صدی عیسوی دے دوجے ادھ توں 16ویں صدی دے شروع تک قائم رہن آلی گھبلے زمانےآں دی اک روسی ریاست سی ۔


ابتدا[لکھو]

12ویں صدی چ کیویائی روس دے نکھڑنے دے مگروں ، پسکوف شہر تے اسدے دریائے ویلیکایا نال ملحقہ علاقے ، جھیل پیئپس ، جھیل پسکووسکوئے ، دریائے ناورا ؛ نووگورد جمہوریہ دے حصے بن گئے ، پراسنوں مخصوص خودمختار حق حاصل رہے ۔ ہولی ہولی پسکوف دا اثر ودھدا رہئیا ۔ دومانتاس (دور حکومت:99-1266ء)دے لمبے دور حکومت ، خاص طور تے راکووار دی لڑائی (1268ء) چ فتح ، پسکوف دی حقیقی آزادی دا مڈھ بنی ۔ نووگورد کے نواباں نے ، اپنے پسکوف دے پوسادنک (والی) دے تقرر دے حق نوں چھڈدے ہوئے، 1348ء دے معاہدہ بولوتووا چ باضابطہ طور تے پسکوف دی آزادی نوں تسلیم کیتا ۔ پسکوف شہر، صرف کلیسائی معاملےآں چ، 1589ء تک نووگورد دا محتاج رہئیا جدوں پسکوف دا علیحدہ حلقہ اسقف(Bishopric) قائم کیتا گئیا تے نووگورد دے اسقف اعظم نے اپنے ٹائٹل توں پسکوف دا ناں خارج کر دتا ۔


اندرونی تنظیم[لکھو]

پسکوف جمہوریہ دی کاشت کاری ، ماہی گیری، آہن گری ، سونے دے زیورات بنان تے تعمیراتی صنعت ترقی یافتہ سی ۔ تجارتی مال تے اجناس دی جمہوریہ دے اندر خرید فروخت تے نووگورد تے دوجے روسی شہراں ، بحیرہ بالٹک دے علاقےآں تے لہندے یورپ دے شہراں نال تجارت نے پسکوف نوں رس (روس) دے وڈے گھریلو صنعتی مرکزاں چوں اک بنا دتا سی ۔

نووگورد جمہوریہ دے برعکس پسکوف چ کدے وی وڈیاں جاگیراں تے جاگیردار نئیں رہے ، ایتھے دے زمینداراں دیاں جاگیراں ، نووگورد دے جاگیرداراں نالوں بوہت چھوٹیاں سن ۔ پسکوف دے گرجےآں تے خانقاہاں دیاں جاگیراں وی نووگورد دے گرجےآں دیاں جاگیراں نالوں بوہت چھوٹیاں سن ۔ پسکوف چ پروان چڑھن آلے سماجی تعلقات دی جھلک پسکوف دے قنونی ضابطے چ ویکھی جا سکدی اے ۔

آخیرلے سال[لکھو]

حوالے[لکھو]

1۔ ڈی ایس مرسکی ۔ روسی ادب دی تریخ ۔ نارتھ ویسٹ یونیورسٹی پریس 1999ء ۔ صحفہ 23 ۔

دستاویزی زرائع[لکھو]

  • پسکوف کرونیکل ، جلد 2-1 ماسکو-لینن گراد ، 55-1941ء ۔
  • مالینیکوووا ایچ ایچ ۔ پسکوف دی دی روسی مرکزی حکومت چ شمولیت ۔ لینن گراد ، 1955ء ۔
  • ولیروف اے بی ۔ نووکورد تے پسکوف:اتلے لہندے روس دی 11ویں توں 14ویں صدی عیسوی دی مختصر تریخ (روسی بولی چ) ماسکو 2004ء۔