پیٹروناس ٹوئن ٹاور

آزاد انسائیکلوپیڈیا، وکیپیڈیا توں
پیٹروناس ٹوئن ٹاور
دیس: ملائشیا
شہر: کوالا لمپور
اچا‏‏ئی: 451.9 میٹر/(1,483 فٹ)
بنن ورہ: 1993
بنن ویلہ: 1993–1994


پیٹروناس ٹوئن ٹاور ملائشیا دے راجگھر کوالا لمپور چ اساری گئی اک اچی عمارت اے ، جہڑی جگ دی بلند ترین عمارت دا اعزاز وی حاصل کر چکی اے ۔ پر تائی پے ، تائیوان دی تائی پے 101 نے اسدا ایہہ اعزاز کھو لیا ۔ اس دے باوجود پیٹروناس ٹوئن ٹاور دنیا دا سبتوں اچے ٹوئن ٹاورز نیں ۔

ٹوئن ٹاورز دا ماہر تعمیرات کیسر پیلی اے تے ایہہ 1998ء چ مکمل ہوئی ۔ 88 منزلہ ایہہ عمارت سٹیل تس شیشے نال اساری گئی اے تے اسنوں اسلامی فن تعمیر دا جدید نمونہ بنایا گیا اے ۔

اس عمارت دی بلندی 452 میٹر اے ۔ ٹوئن ٹاورز دی خاص گل دونہاں عمارتاں وچکار رابطے لئی قائم پل اے ۔ ایہہ پل 170 میٹر دی بلندی اتے 42ویں منزل تے قائم کیتا گیا اے تے 58 میٹر لمبا اے ۔ ایہہ پل لوکاں لئی کھلا اے پر پہلے آؤ تے پہلے پاؤ دی بنیاد تے 1400 توں ودھ پاس جاری نئیں کیتے جاندے جہڑے عام طور تے دوپہر توں پہلاں ای ختم ہو جاندے نیں ۔ ایہہ پاس بالکل مفت نیں ۔ ایہہ پل پیر دے دن بند رہندا اے ۔

پہلا ٹاور مکمل طور تے ملائشیا دے ادارے پیٹروناس دی ملکیت اے جدوں کہ دوجے چ الجزیرہ انٹرنیشنل ، بلوم برگ ، بوئنگ ، آئی بی ایم ، مائیکروسافٹ تے دوجے اہم قومی اتے بین القوامی ادارےآں دے دفتر قائم نیں ۔


ہور ویکھو[سودھو]

متعلہ مضمون[سودھو]

باہرلے جوڑ[سودھو]