چرچل

Wikipedia توں
جاو: مدد, کھوج
چرچل
Churchill portrait NYP 45063.jpg
جمیا: 30 نومبر 1874 برطانیہ
مرن دن : 24 جنوری 1965 برطانیہ
کم : ساہت
انعام: 1953 اچ ساہت دا نوبل انعام

سر ونسٹن چرچل (1879ء - 1965ء) برطانوی سیاستدان لارڈ رنڈولف چرچل دا وڈا پتر سی ۔ اس نے ہیرو تے سنڈھرسٹ توں تعلیم حاصل کیتی ۔ ہندستان چ شمال مغربی سرحد تے دکھنی افریقہ چ سپاہی تے اخباری نمائندہ رہیا ۔ جنگ بوئر چ گرفتار ہوئیا پر بچ نکلیا ۔ 1901ء چ پہلی واری پارلیمنٹ دا رکن منتخب ہوئیا تے مختلف عہدیاں تے فائز رہیا جنہاں چ وزیر داخلہ (1910ء-1911ء9 تے وزیر خزانہ (1924ء-1929ء) وی شامل نیں ۔

درہ دانیال مہم چ ناکامی دے بعد سیاست توں کنارہ کرگئیا ۔

سیاست چ دوبارہ آنا[لکھو]

سنہ 1936ء توں 1938 وزیراعظم چیمبرلین دی ہٹلر نوں خوش کرن دی پالیسی دی شدید مخالفت کیتی جس دی وجہ توں دوبارہ سیاست چ آئیا ۔ دوجی جنگ عظیم شروع ہون دے بعد ناظم امارات بحری دی حثیت نال کابینہ چ شامل ہوئیا تے مئی 1940ء چ وزیر اعظم منتخب ہوئیا ۔ جنگ عظیم دے بعد لیبر پارٹی برسراقتدار آئی تے قائد حزب اختلاف بنیا ۔ اس دوران سویت یونین تے مغربی اتحادیاں دے وچکار غلط فہمیاں تے رنجشاں پیدا کروائیاں تے سویت یونین لئی "آہنی پردہ" دی اصطلاح وی اس دی ایجاد اے ۔ اکتوبر 1951ء دیاں چوناں چ قدامت پسند پارٹی (کنزرویٹو پارٹی) نوں دوبارہ منظم کیتا تے اینہاں انتخابات چ قدامت پسند پارٹی دی جت ہوئی تے ایہہ دوبارہ وزیر اعظم بنیا تے 1955ء چ بڑھیپے دی وجہ توں ریٹائرڈ ہوگئیا ۔ " وی" یعنی وکٹری دا نشان وی چرچل دی دین اے ۔


نام روپ[لکھو]

چرچل اعلی درجے دا مدبر پر انتہائی قدامت پسند سیاستدان سی ۔ دوجی جنگ عظیم چ اسدی مدبرانہ سوچ نے اہم کردار ادا کیتا ۔ بہت سارے لوکاں دا خیال اے جے چرچل نا ہندا تے شاید اج جگ دی تریخ کجھ ہور ہندی ۔ دوجی جنگ عظیم دے بعد اسنے مغربی طاقتاں نوں سویت یونین نوں ختم کرن تے اکسائیا ، پر امریکی صدر روز ویلٹ نے ، عالمی رائے عامہ دے خوف توں ، اسدی سختی نال مخالفت کیتی ۔ چرچل آخری دم تک برطانوی نوآببادیاں دی آزادی دی مخالفت کردا رہیا ۔ اسنوں مصوری نال خاص لگاؤ سی تے ایہہ کئی کتاباں دا مصنف سی ، جنہاں چ "دوجی جنگ عظیم دی تریخ" 2 جلداں ج شائع ہوچکی اے ۔

نوبل انعام[لکھو]

چرچل نوں 1953ء چ ادب دا نوبل انعام دتا گئیا۔

ہور ویکھو[لکھو]