چیچہ وطنی

Wikipedia توں
جاؤ: پاندھ, کھوج
چیچہ وطنی Chichawatni
Jungle in Punjab.JPG
دیس: پاکستان Flag of Pakistan.svg
صوبہ : پنجاب
ضلع : ساہیوال
تصیل : چیچہ وطنی
لوک : ف
بولی: پنجابی

چیچہ وطنی ، پاکستان دے صوبہ پنجاب دے ضلع ساہیوال دی اک تصیل اے ۔ ایہہ شہر ساہیوال شہر توں لہندے دکھن چ 45 کلومیٹر دے فاصلے تے واقع اے ۔

چیچہ وطنی تحصیل ہیڈ کواٹر اے تے دریائے راوی دے کبھے کنڈے توں کجھ کلومیٹر دور لہور کراچی جی ٹی روڈ تے آباد اے ۔ ایہہ لہور کراچی جی ٹی روڈ تے فیصل آباد وہاڑی روڈ دے سنگم تے واقع اے ۔

چیچہ وطنی دا علاقہ نہر لوئر باری دوآب توں نکلن آلیاں نہراں 12 ایل ، 11 ایل تے 14 ایل ، نال سیراب ہندا اے تے کپاہ تے جھونے دی پیداوار لئی مشہور اے ۔

چیچہ وطنی دے نیڑے انگریزاں دا ریل گڈیاں دے بھاف آلے انجناں نوں ایندھن مہیا کرن لئی لائیا ہوئیا جنگل اج وی قائم دائم اے تے پاکستان دے چند مشہور جنگلاں چوں اک اے ۔

چیچہ وطنی دا موجودہ شہر انگریزاں نے لہور کراچی ریلوے ٹریک بچھان دے بعد اس ٹریک تے اک نکے جہے قضبے دی شکل چ آباد کیتا سی ۔ جدوں اصل چیچہ وطنی شہر ، جنوں پرانی چیچہ وطنی آکھئیا جاندا اے ، لوئر باری دوآب نہر دے دوجے پاسے (کمالیہ آلے پاسے) وا‍‏قع اے ۔

چیچہ وطنی دا ناں پرانی چیچہ وطنی چ پرانے ویلے چ آباد اک بلوچ خانہ بدوش قبیلے چیچا دے ناں تے چیچہ وطنی اے ۔

چیچہ وطنی شہر دی آبادی تقریبا 1 لکھ اے تے تحصیل چیچہ وطنی دی آبادی تقریبا 5 لکھ دے نیڑے اے ۔

تصحیل چیچہ وطنی چ تقریبا 200 توں وڈھ پنڈ شامل نیں تے پنڈاں چ آبادی دی اکثریت جٹآں تے مشتمل اے تے دوجے قبیلےآں چ راجپوت ، آرائیں ، ڈوگر تے مقامی جٹ تے مصلی شامل نیں (اینہاں نوں جانگلی وی آکھئیا جاندا اے) ۔

چیچہ وطنی دی آبادی دی اکثریت سن 47ء دے اجاڑےآں چ چڑھدے پنجاب توں مہاجر ہوکے آئی سی ۔

سن 47ء چ پناہ گیر بن کے آئے لوکاں چ بوہتے ضلع ہوشیارپور ، فیروز پور ، روپڑ ، امرتسر تے لدھیانہ وغیرہ دے نیں ۔

جٹاں دے قبیلےآں چ ایتھے دھوتھڑ ، اولکھ ، ورک ، سپرا ، وینس ، وڑائیچ ، ڈھلوں وغیرہ آباد نیں ۔


چیچہ وطنی دے مشہور پنڈاں چ چک 44 باراں ایل ، چک 45 باراں ایل ، چک 168 نو ایل ، چک 31 گیاراں ایل وغیرہ شامل نیں۔