کربلا دی لڑائی

Wikipedia توں
جاؤ: پاندھ, کھوج

کربلا دی لڑائی دس محر م 61 ہجری / 10 اکتوبر 680 نوں حسین بن علی تے یزید دیاں فوجاں دے وشکار کربلا، عراق چ ہوئی۔ حسین نوں ایس لڑائی چ ہار ہوئی۔

680 چ معاویہ دے مرن تے اودا پتر یزید خلیفہ بنیا۔ حسین نے اونوں خلیفہ منن توں انکار کردتا پر حسین نوں اپنے جمن پو مدینہ چ کوئی آسرا ناں لبیا ایس لئی اوہ مکہ ٹر گیا۔ مکہ چ حسین نے چار معینے لاۓ تے اپنے قبیلے برادری تے ساکاں نوں اپنے ول موڑن دی گل ٹوری پر گل ناں بنی۔ اپنے اک ساک مسلم بن عقیل نوں حسین نے کوفہ ٹوریا جے اوتھوں دیاں لوکاں نوں حسین نال رلا سکے۔ مسلم نے سنیعہ کلیا جے ایتھے دے لوک حسین دے نال نیں۔ حج توں اک دن پہلے حسین کوفہ ول ٹریا راہ چ اونوں خبر ہوئی چ مسلم بن عقیل نوں لوکاں نوں بغاوت لئی ورتن تے مار دتا گیا اے پر فیر وی حسین کوفہ ول وددا گیا۔ یزید دی فوج نے حسین نوں کربلا کول روک لیا۔ لڑائی چ حسین تے اودے کئی سنگی مارے گۓ۔ بچ جان والیاں نوں بندی بنا کے دمشق ول ٹور دتا گیا۔