کرسٹل ریڈیو

Wikipedia توں
جاؤ: پاندھ, کھوج
اک سادہ کرسٹل ریڈیو دا سیٹ
اک سادہ کرسٹل ریڈیو دا نقشہ

کرسٹل ریڈیو اک سادہ ریڈیو اے اے ریڈیو دے پہلے دناں چ مشہور سی۔ اجکل اینوں شقین لوک بناندے نیں تے یا ریڈو نوں سکھن والے لوک بناندے نیں۔ کرسٹل ریڈیو نوں چلن لئی بیٹری یا پاور دی لوڑ نیں ہوندی۔ اینوں پاور لمے انٹینے توں آندیاں ہویاں ریڈیو موجاں توں لبدی اے۔ ایدا اے ناں "کرسٹل" ایدے اک ضروری پرزے کرسٹل دیٹیکٹر توں پیا۔ ایس پرزے نوں ہن ڈائیوڈ کیندے نیں۔

کرسٹل ریڈیو سب توں سادہ ریڈیو ہوندا اے۔ کج سستے جۓ پرزیاں: انٹینا تار، کاپر دی ٹیوننگ کوائل، ڈائیوڈ تے ایرفون نال ہتھ نال بنایا جاسکدا اے۔ کرسٹل ریڈیو عام ریڈیو نالوں وکھرا اے ایدے چ بیٹری نیں ہوندی تے عام ریڈیو چ بیٹری ہوندی اے جیدے نال انٹینا توں ماڑے سگنل زور والے تے واز اچی تے زور والی کتی جاسکدی اے۔ ایسے لئی کرسٹ ریڈیو دی واز تھوڑی تے ایس ماڑی واز نوں سنن لئی ایرفون ہونا چائیدا اے تے تے ریڈیو وی ریڈیو سٹیشن دے نیڑے ہونا چائیدا اے۔ کرسٹل دی اے سدا کرن دی خوبی نوں کارل فرڈیننڈ براون نے 1874 چ لبیا سی۔ جگدیش چندر بوس جی ڈبلیو پکرڈ تے ہوراں نے ایس توں کرسٹل دیٹیکٹر بنایا تے اینوں ریڈیو چ 1894 تے 1906 دے وشکار ورتیا۔ کرسٹل ریڈیو سب توں پہلے عام ورتے جان والے ریڈیو سن۔ کرسٹل ریڈیو لکھاں دی گنتی بنا کے ویچے گۓ، لوکاں نیں شوقیہ کعر وی بناۓ۔ اے سستے سن تے چلدے سن ایس لئی ایناں نیں ریڈیو نوں اگے ودان چ وڈا کم کیتا تے 1920 دی دھائی چ انٹرٹینمنٹ دی راہ سن۔

1924 دا جرمن کرسٹل ریڈیو

1920 دے دوالے وائرلس ٹیلیگرافی دے انت ویلے ایمپلیفائینگ ریسیوراں نیں کرسٹل ریڈیو نوں پچھے چھڈ دتا جدوں اوناں نیں ویکیوم ٹیوباں ورتیاں تے اینج کرسٹل ریڈیو نوں ویچن را کم ٹھنڈا پے گیا۔ پر شقین لوک تے جوان جناں چوں بواۓ سکاؤٹس وی سن ریڈیو ٹیکنالوجی نون سکھن لئی کرسٹل ریڈیو بناندے رۓ۔ کرسٹل ریڈیو سکھن لئی ہلے وے بناۓ تے ویچے جاندے نیں شقین لوکاں دیاں ٹولیاں اینوں ہن وی بناندیاں نیں تے اوناں دے آپس چ اے کعر بناۓ گۓ ریڈیواں دے نمونیاں دے مقابلے وی ہوندے نیں۔

کرسٹل ریڈیو دا شقین

کرسٹل ریڈیو کسے وی ریڈیو فریگوینسی نوں پھڑن لیا بنایا جاسکدا اے پر زیادہ تر اے ایم براڈکاسٹ بینڈ پھڑدے نیں۔ کج 49 میٹر انٹرنیشنل شارٹ ویو پھڑدے نیں کج ایس لئی وی جے ایس بینڈ تے ریڈیو ویوزتگڑیاں ہوندیاں نیں۔ پہلے کرسٹل سیٹ نیں جیہڑے وائرلیس ٹیلیگرافی سگنل پھڑے اوہ سپارک گیپ ٹرانسمٹر نال 25 کلو ہرٹز دی نیویں نریکوئینسی تے نشر کیتے گۓ سن۔ کرسٹل ریڈیو اے ایم سگنل پھڑدے نیں پر اوہ سلوپ ڈیٹیکشن ول ورتدیا ہویاں ایف ایم سگنل وی پھڑ سکدے نیں۔

اے کنج چلدا اے[لکھو]

کرسٹل ریڈیو ریڈیو دے انتہائی ضروری تے تھوڑے جۓ پرزیاں نال رل کے بنیا ہوندا اے۔ ایدے چ ایہ پرزے ہوندے نیں:

  • انٹینا جیدا کم ریڈیو ویوز نوں پھڑنا تے اوناں نوں الیکٹرک کرنٹ چ پلٹنا۔
  • ٹیونڈ سرکٹ جیہڑا ریڈیو سٹیشن دے پھڑے گۓ سگنلاں نوں چنے۔
  • اک ڈائیوڈ
  • اک ایرفون جیہڑا آڈیو سگنل نوں واز چ پلٹ دیوے تاں جے اوہ سنی جا سکے۔

کرسٹل ریڈیو دے ایرفون توں آن والی واز دا زور ریڈیو سٹیشن توں انٹینا نال پھڑی جان والی موجاں دا ہوندا اے۔ اے زور ریڈیو توں ریڈیو سٹیشن دا پینڈا ودن نال اودے سکویر دے سعاب نال تھوڑا ہوندا جاندا اے۔

دوجی وڈی لڑائی چ جرمناں کولوں لک کے کرسٹل ریڈیو نوں کئی واری ورتیا گیا۔


بارلے جوڑ[لکھو]