کولمبو

آزاد انسائیکلوپیڈیا، وکیپیڈیا توں
کولمبو
نقشہ
نشان
رقبہ: 37.31 مربع کلومیٹر
لوک گنتی: 647,100
بولی: سنہالی

کولمبو سری لنکا دا سب توں وڈا تے تجارتی شہر اے۔ ایہہ سری لنکا دے پچھمی ساحل اُتے تے وفاقی راجگڑھ سری جے وردھنے پورا کوٹے دے بالکل ساویں موجود اے۔ کولمبو ہک مصروف تے روشن شہر اے جیہڑا اپنے اندر اجوکی طرز زندگی دے علاوہ پرانی رہتل دے آثار وی لُکے ہوئے نیں۔ شہر دی آبادی تقریباً 647،100 لوکاں تے مشتمل اے لیکن کولمبو دے شہری علاقے ضلع کولمبو، گاماپا تے کالوتارا اُتے مشتمل نیں، جنہاں دی کُل آبادی نیڑے نیڑے 56،48،000 اے۔ اس شہر دا ناں کولمبو پہلی وار 1505ء وچ پرتگالیاں نے رکھیا تے ایہ خیال کیتا جاندا اے پئی ایہہ ناں کلاسیکی سنہالی ناں کولن تھوتا، جیہدا مطلب “دریائے کیلانی تے واقع بندرگاہ“ اے، توں کڈھّیا گیا اے۔ ایہہ وی منیا جاندا اے پئی کولمبو دا ناں سنہالی بولی دے ناں کولو۔ امبا۔ تھوتا توں کڈھّیا ہویا اے جس دے معنی “آم دے درختاں آلی بندرگاہ“ نیں۔ کولمبو دی وڈی بندرگاہاں تے چڑھدے تے لہندے ساحلاں اُتے تجارتی راہداری دی حیثیت توں کولمبو دی اہمیت تقریباً 2000 سال توں ڈِٹھ رہی اے۔ لیکن ایہ دھیان رہے پئی اس شہر نوں جزیرہ سری لنکا دا مرکز انگریزاں نے 1815ء وچ ایتھے قبضے مگروں بنایا سی۔ 1948ء وچ آزادی دے بعد تک ایہ سری لنکا دا صدر مقام رہیا، فیر ایس مگروں سرکاری دفاتر سری جے وردھنے پورا کوٹے چ منتقل کیتے گئے۔ فیر وی کولمبو بدستور سری لنکا دا تجارتی مرکز اے۔

دوجے وڈے شہراں وانگوں کولمبو دے شہری علاقے بوہتے پھیلے ہوئے نیں تے ایتھے دا پربندھ چوکھے اداریاں دے زمے ہیگا۔ مرکزی شہر سری لنکا دے تقریباً تجارتی دفاتراں، ریستواناں تے سیاحتی تھاواں اُتے مشتمل اے۔ ایتھے دی مشہور تھاواں گالے فیس گرین، وہارمہادیوی پارک تے قومی عجائب گھر نیں۔

مورت نگری[سودھو]

ایشیائی دیساں دے راجگڑھ خطے دے حساب نال
چڑھدا ایشیا
دکھنی ایشیا
وشکارلا ایشیا
دکھن چڑھدا ایشیا
لہندا ایشیا