کگیاں

Wikipedia توں
(لیایا گیا کگی)
جاو: مدد, کھوج
کگیاں
Rock dove - natures pics.jpg
سائنسی ٹولی
دیس: جنور
برادری: کورڈیٹ
ٹولی: پنچھی
پتی : کگیاں
ٹبر : کگیاں
ونڈاں: 310
Pigeon range.png
دنیا تے کگی / کبوتر دی رہن تھاں رنگ وچ

کگی تے کبوتر اکو ٹبر کگیاں دے پنچھی نیں۔ ایدیاں 300 دے نیڑے ونڈاں نیں۔ عام ول نال ایس ٹبر دے نکے پنچھی نوں کگی تے وڈے نوں کبوتر کیندے آں۔ ایہ پنچھی ساری دنیا وچ لبدے نیں۔ پر ایناں دیاں زیادہ ونڈاں پاکستان توں لے کے آسٹریلیا تک پھیلیاں ہویاں نیں۔ لامت ونڈاں وچ کھمب سانولے، نیلے سانولے تے پؤرے ہوندے نیں۔ فروٹ کھانیاں کگیاں دے کھمب رنگلے ہوسکدے نیں۔

کگیاں عام تیلیان دے سادے آلنے رکھاں یا ہور تھانواں تے بناندے نیں۔ ایہ اک یا دو آنڈے دیندے نیں تے دونویں اوہناں تے بیندے نیں۔ چوچے 8 توں 28 دناں وچ نکل آندے نیں۔ تاج والا کبوتر ایس ٹولی دا سب توں وڈا پنچھی اے۔

جنگلی کبوتر

وکھالہ[لکھو]

کبوتراں تے کگیاں دے ناپ وچ فرق ہوندا اے۔ سب توں وڈی ونڈ نیوگنی دا تاج والا کبوتر (2–4 کلوگرام) اے جیہڑا پنچھی ٹرکی جنا اے تے سب توں نکی چڑی کگی اے جیہڑی 26–40 گرام دی ہوندی اے۔ مارکویسی پگبن کبوتر 50 سینٹی میٹر ناپ تے ا کلو پآر نال سب توں وڈا رکھ پنجھی اے ایس ٹبر دا۔ ٹھمنی کگی 13 سینٹی میٹر نال ایس ٹبر دا سبتوں نکا پنچھی اے۔ نکیاں ونڈاں کگیاں اخواندیاں نیں جد کے وڈیاں کبوتر پر سائینسی ول نال ایہ وکھرے نہیں۔

کگیاں دی نکی چنج، نکا سر، نکے پیر پر نڈا وڈا ہوندا اے۔ پر وڈے تے پینڈے نیں تے پر ریشے تکڑے۔ ایہ سب تون تکڑے اڈنوالے پنجھیاں وجوں نیں تے اڈدیاں بازیاں وی لاسکدے نیں۔

پسار[لکھو]

کبوتر تے کگیاں صحرا، انٹارکٹکا، دور دیاں جزیریاں تے اتلے زمینی ٹھنڈے تھانواں نوں جھڈ کے ساری زمیں تے ہوندے نیں۔ ایہ ٹبر نے زمین دے رہنوالے سارے تھانواں تے وسیا ہویا اے۔ لامت گنتی ٹراپیکل تے گھآ والے تھانواں تے اے۔ ایہ ونڈاں رکھانوالیاں یا زمینی ہوسکدیاں نیں۔ کج کگیاں وڈے تھانواں تے پھیلیاں ہویاں نیں۔ کالروالی کگی برطانیہ توں لے کے پورے یورپ، لیندے ایشیاء پاکستان توں ہوندی ہوئی چین تک ملدی اے۔ ہسدی کگی دکھنی ایشیاء، لیندا ایشیاء تے صحرا تھلے افریقہ دے دیساں وچ ملدی اے۔ کنوالی کگی سارے دکھنی امریکہ وچ ملدی اے۔ جنگلی کبوتر دا کھلار سب توں ودھ اے۔ ایہ برطانیہ، آئرلینڈ توں ہوندی ہوئی یورپ، اتلے افریقہ، لیندے تے دکھنی ایشیاء توں چین تے منگولیا تک ملدا اے۔

کھان پین[لکھو]

بی تے فروٹ کگیاں دا عام کھان پین اے۔ بی کھانوالیاں کگیاں زمین تے ریندیاں نیں جد کے فروٹ کھانیاں رکھاں تے ریندیاں نیں۔

بچاؤ[لکھو]

کگیاں دے ٹبر دیاں ونڈان ڈوڈو تے پاندھی کگی ہن دنیا تے نہیں۔ پاندھی کدے سب توں ودھ سی پر 1914 تک ایہ مک گئی۔ 59 دے نیڑے کگیاں دیاں ونڈاں مکن دے نیڑے نیں تے ایہ کل کگیاں دا 19٪ بندا اے۔ چوکھیاں ٹراپیکل تے جزیریاں تے رہنوالیاں نیں۔

اڈاری[لکھو]

ایس ٹبر دے پنچھی اڈن وچ گرو منے گۓ نیں۔ ایہ 50–60 میل ہک کینٹہ دی دوڑ نال اڈ سکدے نیں۔

کگیاں دے آنڈے

انسانی ساک[لکھو]

انسان کبوتراں نوں شوق لی پالدا آریا اے۔ کبوتر پالنا پنجاب دی اک پرانی ریت اے۔ کبوتر سنیہے دین لئی وی کم آندا ریا اے۔ کگی دی کوں پنجاب وج گھر تون باہر سنیاں جانوالیاں عام وازاں وجوں اک اے۔

کگی دنیا وچ امن دا نشان منی جاندی اے۔

ونڈاں[لکھو]