کھیمر بادشاہت

Wikipedia توں
جاؤ: پاندھ, کھوج
سن 1200ء دے نقشے ج کھیمر سلطنت


کھیمر سلطنت دا نقشہ

کھیمر سلطنت 802ء توں 1431ء تک دکھنی چڑھدے ایشیاء ،جہڑا اج کل کمبوڈیا اے ، چ سبتوں وڈی بادشاہت سی ۔ ایہہ سلطنت جہڑی کہ چینلا بادشاہت توں علیحدہ ہوئی سی ، کئی ویلےآں چ اج دے لاؤس ، تھائی لینڈ ، ویتنام تے ملائشیا دے مختلف حصے اسدے باجگزار رہے ۔

سلطنت دی اساری دے دران کھیمر دے جاوا تے بعد چ سری ویجائیا سلطنت نال قریبی ثقافتی ، سیاسی تے تجارتی تعلقات رہے جہڑے کہ کھیمر دی دکھنی سرحد دے پرے واقع سن ۔ اسدی سبتوں وڈی میراث انگکول شہر اے جہڑا اسدے عروج ویلے اسدا راجگھر سی ۔ انگکول شہر کھیمر سلطنت دی طاقت تے ثروت دا مرکز سی ۔ بادشاہت دے سرکاری مذہباں چ ہندومت ، ماہایانا بدھ مت سن تے بعد چ 13ویں صدی عیسوی چ سری لنکا توں تھیراواڈا بدھ مت ایتھے متعارف ہوئیا تے غالب آ گئیا ۔ جدید تحقیق نے ایہہ ثابت کیتا اے اے کہ انگکول صنعتی زمانے توں پہلے جگ دا سبتوں وڈا شہری مرکز سی تے اج دے نیو یارک توں وی وڈا سی ۔



زوال تے انگکول دا خاتمہ[لکھو]

بادشاہ سریندرا ورمان دے ویلے دے کجھ تریحی دستاویزاں موجود نیں ۔ تے آخری معلوم تھم (پلر) تے لکھی تحریر وی 1327ء دی اے ۔ ہور نویں وڈے پگوڈے وی نئیں اسارے گئے ۔ تریخ داناں نے اسدی وجہ بادشاہ دا تھیراواڈا بدھ مت نوں اختیار کرنا دسئیا اے ۔ اینہاں بادشاہاں نوں ہن "دیوا راجا" نئیں منئیا جاندا سی تے ایس لئی اینہاں لئی یاں اوہناں دیوتاواں لئی ، جنہاں دی حفاظت چ ایہہ سن ، وڈے مندر اسارن دی لوڑ نئیں سی ۔ دیوا راجا دے نظریئے دے خاتمے نال اینہاں بادشاہاں دے شاہی اختیارات چ وی کمی آئی سی۔