کیداہ سلطنت

Wikipedia توں
جاو: مدد, کھوج
قداح سلطنت
1136ء توں حالے تیکر
Flag of Kedah.svg
قداح سلطنت دا جھنڈا
قیام''
1136ء
بولی ملایا بولی
مذہب اسلام
طرز حکومت
بادشاہت
سلطان
1136ء توں 1179ء پادوکا سری سلطان مظفر شاہ (پہلا)
1958ء توں تا حال سلطان عبدالحلیم معظم شاہ
موجودہ حثیت
وفاق ملائشیا دی ریاست

کیداہ سلطنت جزیرہ نما ملایا تے سبتوں پہلی سلطنت تے چڑھدے دکھنی ایشیاء دی وی پہلی سلطنت سی جہڑی 1136ء چ قائم ہوئی ۔ اسنوں عربی رسم الخط چ لکھی جان آلی ایتھے دی پرانی ملایا بولی چ قیداح سلطنت لکھئیا جاندا سی ۔

کیداہ بادشاہت[لکھو]

کیداہ سلطنت دا جھنڈا
کیداہ بادشاہت چوں لانگکسوکا توں لبھن آلا بدھا دا مجسمہ

کیداہ بادشاہت (630ء توں 1136ء) گیمیرون دے راجہ ، مہاراجہ دیربار نے 630ء چ قائم کیتی سی ۔ ایہہ اک ہندو بادشاہت سی تے راجہ پھرا اونگ مہاوانگسا دے اسلام قبول کرن دے بعد ایتھوں ہندو راج مک گئیا ۔


چولا بادشاہت دا حملہ[لکھو]

11ویں صدی عیسوی دے شروع دیاں دستاویزاں موجب چولا تے سری ویجائیا سلطنت وچکار دوستی دے ناتے قائم سن تے سری ویجائیا مہاراجےآں ولوں اقتصادی اجارہ داری پاروں ایہہ دوستی ختم ہو گئی ۔ پہلا چولا حملہ 1025ء چ ہوئیا ، راجندرا دی فوج نے کادارام تے سری ویجائیا دے راجگھر نوں تباہ تے برباد کر دتا تے سری ویجائیا سلطنت دے بادشاہ سنگراما ویجائوٹنگاوارمان نوں قیدی بنا لئیا ۔ بعد چ ایہہ بادشاہت چولا حکمرانی تھلے بحال ہوئی ۔ چولا بادشاہت دا مقصد سی کہ سری ویجائیا اپنے بحری رستے کھولے ۔ ایتھے لبھئیاں تامل تحریراں توں پتہ لگدا اے کہ چولا بادشاہت دی ملایا دے جزیرےآں چ فوجی موجودگی 1088ء تک رہی ۔


تریخ[لکھو]

170ء عیسوی دے نیڑے مقامی ہندو پناہ گزین کیداہ آئے ،اینہاں نال چھیتی ای آلے دوالے دے جزیرےآں تے اتلے مون کھیمر علاقے دے لوک مل گئے ۔ قدیم کیداہ چ کوآلا باہانگ ، کوآلا بارا، کوآلا پیلا تے میرپاہ دے علاقے شامل سن ۔


گیمیرون توں آئیا بادشاہ[لکھو]

سن630ء چ گیمیرون (اج کل ایران دا شہر بندر عباس) دا راجہ ، مہاراجہ دیربار اک جنگ چ شکست کھا کے سری لنکا فرار ہوگئیا تے بعد چ اک سمندری طوفان اسدے بحری جہاز نوں کیداہ چ کوآلا سونگائی قلعہ پہنجا دتا ۔ کیداہ دے لوکاں نے اسنوں اک بہادر تے ذہین شخص دیکھ کے کیداہ دا بادشاہ بنا دتا ۔ 634ء چ اک فارسی حکمرانی تے مقامی ملایا دھرم تے مشتمل اک نویں بادشاہت قائم ہوئی ، جسدا راجگھر لانگکاسوکا سی ۔


نوبت[لکھو]

نوبت تے موسیقی دے آلات نگارا تے نیپیری ،کداہ چ مہاراجہ دیربار نے متعارف کروائے ۔


کیداہ دے سلطان[لکھو]

تھلے لکھے گئے کیداہ دے سلطاناں دے ناں کیداہ چ 1136ء چ اسلامی سلطنت قائم ہون دے بعد دے نیں ۔

  • سلطان معظم شاہ (1179ء توں 1201ء)
  • سلطان محمد شاہ (1201ء توں 1236ء)
  • سلطان معاذل شاہ (1236ء توں 1280ء)
  • سلطان محمود شاہ اول (1280ء توں 1320ء)
  • سلطان ابراہیم شاہ (1320ء توں 1373ء)
  • سلطان سلیمان شاہ اول (1373ء توں 1422ء)
  • سلطان عطاد اللہ محمد شاہ (1422ہ توں 1472ء)
  • سلطان محمد جیوا زین العابدین اول (1472ء توں 1506ء)
  • سلطان محمود شاہ دوم (1506ء توں 1546ء)
  • سلطان مظفر شاہ دوم (1546ء توں 1602ء)
  • سلطان سلیمان شاہ دوم (1602ء توں 1625ء)
  • سلطان رجال الدین شاہ (1622ء توں 1651ء)
  • سلطان محی الدین شاہ (1651ء توں 1661ء)
  • سلطان ضیاء الدین المکرم شاہ (1661ء توں 1687ء)
  • سلطان عطاد اللہ محمد شاہ دوم (1687ء توں 1698ء)
  • سلطان عبداللہ اول المعظم شاہ (1698ء توں 1706ء)
  • سلطان احمد تاج الدین حلیم شاہ (1706ء توں 1709ء)
  • سلطان عبداللہ دوم (1709ء توں 1723ء)
  • سلطان عطاد اللہ محمد سوم (1723ء توں 1741ء)
  • سلطان محمد جیوا زین العابدین دوم (1741ہ توں 1778ء)
  • سلطان عبداللہ مکرم شاہ سوم (1778ء توں 1797ء)
  • سلطان ضیاء الدین مکرم شاہ دوم (1797ء توں 1803ء)
  • سلطان احمد تاج الدین دوم حلیم شاہ (1803ء توں 1843ء)
  • سلطان زین الرشید معظم شاہ دوم (1843ء توں 1854ء)
  • سلطان احمد تاجع الدین سوم مکرم شاہ (1854ء توں 1879ء)

ہور ویکھو[لکھو]


باہرلے جوڑ[لکھو]