کیڑے مکوڑے

کیڑے مکوڑے
کنگڈم:	اینیمیلیا
فائیلم :	آرتھروپوڈا
سب فائیلم :	ہیگزا پوڈا
کلاس :	انسیکٹا

کیڑے مکوڑے (انگریزی:Insect) جانداراں دی اک ونڈ اے جناں دا جوڑ ارتھروپوڈ نال اے اینے دے پنڈے دے تن انگ چھے لتاں پیچیدہ اکھاں تے دے انٹینا ہوندے نیں۔ زمین دا اے سب توں وڈی جانداراں دی ونڈ اے ایدیاں دس لکھ توں چوکھیاں ونڈاں نیں۔

ناں

انگریزی شبد انسیکٹ دی تاریخ 1600 توں جا کے ملدی اے۔ ایہ شبد لاطینی شبد انسیکٹم توں نکلیا اے جیدا مطلب اے "کچی ریڑھ دی ہڈی تے تقسیم ہویا جسم" یا "جنوں کٹیا جا سکے"، کیونکہ کیڑے دا جسم تین حصے چ کٹیا جا سکدا اے۔ بعد چ ارسطو نے انسیکٹ شبد ورتیا۔

کیڑے دا وکھالہ: A- سر B- تھوریکس C- ایبڈومن 1-انٹینا، 2- تھلواں اوسیلائی، 3- اتلا اوسیلائی، 4- کمپاؤنڈ اکھ، 5- دماغ (سیریبرل گینگلیا)، 6- پروتھوریکس 7- ڈارسل خون دی نالی، 8- ٹریکیا دی ٹیوباں (سپائرکل)، 9- میزاتھوریکس، 10- میٹاتھوریکس، 11- اگلا پر، 12- پچھلا پر، 13- مڈ گٹ (معدہ)، 14- ڈارسل ٹیوب (دل)، 15- اووری، 16- ہنڈ گٹ (انٹیسٹائن، ریکٹم، اینس)، 17- اینس، 18- اوویڈکٹ، 19- نرو کارڈ (ایبڈامینل گینگلیا)، 20- میلپیگھین ٹیوباں، 21- ٹارسل پیڈ، 22- کلاز، 23- ٹارسز، 24- ٹبیا، 25- فیمر، 26- ٹروکینٹر، 27- فور گٹ (کراپ، گزرڈ)، 28- تھوتریسک گینگیان، 29- کوکسا، 30- سلائوری غدود، 31- سب ایسوفیجیل گینگلیان، 32- منہ دے حصے

جماعت بندی

کیڑیاں دی جماعت بندی اوناندے وکھالے دی بنیاد تے کیتی جاندی اے۔ سب توں وڈی کلاس ہیگزا پوڈا اے جیدے چ چار نکیاں کلاساں نے:

• ایکٹو نیتھا
• سپرنگٹیلز
• پروٹورا
• ڈائی پلورا

وکھالہ

کیڑیاں دا جسم نکے ٹکڑیاں دا بنیا ہوندا اے جیدے اتے بارلا ٹعانچہ لگیا ہوندا اے جیہڑا "کائیٹن" دا بنیا ہوندا اے۔ جسم دے ترے وڈے انگ ہوندے نیں: 1- سر، 2- تھوریکس تے 3- ایبڈومن۔ سر تے دو حسی اینٹینے لگے ہوندے نیں، اک جوڑا کمپاؤنڈ اکھاں تے منہ دے حصے۔ تھوریکس تے چھے ٹکڑی لتاں ہوندیاں نیں۔ 2 یا 4 پر ہوندے نیں۔ ایبدومن دے 11 حصے ہوندے نیں۔ ایبڈومن وچ خوراکی، ساہی، خارجی تے تولیدی وکھالے ہوندے نیں۔ وکھرے کیڑیاں وچ پر، لتاں، اینٹینا تے منہ دے حصے وکھرے ہوندے نیں۔

تولید

کیڑیاں دا جیون چکر

زیادہ کیڑے انڈیاں توں نکلدے نیں۔ فرٹیلائیزیشن تے وادا انڈے وچ ای ہوندا اے۔ کچھ کیڑیاں دا وادا مادا دے جسم اندر ہوندا اے جناں وچ کاکروچ، ایفڈ، زیزی مکھی آندے نیں۔ کج کیڑیاں وچ اک انڈے توں بہت سارے ایمپریو بندے نیں جیویں بھڑ وچ۔

وکھالہ بدلن:

وکھالہ بدلن، کیڑیاں دے جیون دا اک ضروری کم اے جیہڑا ہر کیڑا کردا اے۔ ایہدی دو قسماں ہوندیاں نیں۔ 1-پورا وکھالہ بدلن، 2- ادھا وکھالہ بدلن

حساں تے رابطہ

کیڑیاں وچ باہر دے محول نال رابطے لئی بڑے حساس انگ ہوندے نیں. کج کیڑے (جیویں شہد دی مکھی) الٹرا وائیلٹ شعاواں دا پتہ لگا لیندے نیں. کج پولرائیز چانن دا پتہ کر لیندے نیں تے کج مادا دے فیرامونز دا کافی کلومیٹروں دوروں پتہ کر سکدے نیں۔

حرکت

کیڑیاں وچ اڑن دی، چلن پھرن دی تے تیرن دی طاقت ہوندی اے ۔