گیورگی زوکوف

آزاد انسائیکلوپیڈیا، وکیپیڈیا توں

گیورگی زوکوف (1896 - 1974) لال فوج دا اک سوویت فوجی افسر سی۔ دوجی وڈی لڑائی وچ اوہنے سوویت فوج دی سرداری کردیاں ہویاں جرمن فوج نوں سوویت یونین چوں باہر کڈیا تے جرمن راجگڑھ برلن تے وی مل ماریا۔


گیورگی زوکوف روسی صوبے کالوگا وچ اک غریب ماتڑ پینڈو ٹبر وچ اک دسمبر 1896 وچ جمیا۔ 1915 وچ اوہ روسی فوج وچ پرتی ہوگیا۔ روسی انقلاب وچ اوہ بولشویک پارٹی دا سنگی بن گیا۔

1938-39 وج اوہنے منگولیا وچ اگے وددی جپانی فوج نوں ہرایا۔ 1940 وج اوہنوں کرنل جرنل بنادتا گیا۔ 10 ستمبر 1941 نوں اوہنوں لینن گراڈ دے جرمن فوجاں ہتھ لگن توں بچان دی ذمےواری دتیگئی۔ ایس کم توں نبڑن مگروں اوہنوں 8 اکتوبر 1942 نوں ماسکو دی لڑائی وچ ماسکو نوں جرمن فوجاں کولوں بچان تے لایا گیا۔ جنوری 1943 دے انت تک ماسکو جرمناں ہتھ جان توں بچا لیا گیا۔ کرسک دی لڑائی وچ اوہنے جرمن فوج نوں ہرایا۔

1945 وچ برلن دی لڑائی مگروں اوہنے جرمن راجگڑھ برلن تے مل ماریا۔ 1955 وچ اوہنون سوویت یونین دا بچاؤ وزیر بنایا گیا۔ 1957 وچ اوہ رٹیر ہویا تے 18 جون 1974 نون مریا۔




بارلے جوڑ[سودھو]