ھیر رانجھا

Wikipedia توں
جاؤ: پاندھ, کھوج
ھیر رانجھا دی قبر
Tilla Jogian.jpg

ھیر رانجھا پنجاب دی مشھور عشقیہ کھانی اے۔ اس کھانی نوں بھت سارے شاعراں نےں لکھیا پر سب توں زیادھ مشھور وارث شاہ دی 1766 وچ لکھی ھوئی 'ھیر' ھوئی۔

کہانی[لکھو]

ھیر اک بھت سوھنی عورت سی جیھڑی سیال جٹاں دے اک کھاندے پیندے ٹبر وچ جمی۔ رانجھا، جیدا پورا ناں دھیدو رانجھا سی اک جٹ سی جیھڑا چناب دے کنڈے تے اک پنڈ تخت ھزارھ دا رھن والا سی۔ اوھ چار پعراواں وچ سب توں نکا سی تے اپنے پیو دا لاڈلا سی۔ اپنے پعراواں ونگوں زمینداری کرن دے بجاءے رانجھے نوں ونجلی وجان دا چوکھا شوق سی۔ پعراواں نال چگڑن توں مگروں رانجھا اپنا پنڈ چھڈ دندا اے تے ھیر دے پنڈ آ جاندا اے۔ ایتھے اونوں ھیر نال عشق ھو جاندا اے۔ ایتھے اوہ ہیر دے پیو دے ڈنگر چران لگ جاندا اے۔ رانجے دی ونجلی ھیر تے جادو کردیندی اے تے اوہ وی رانجھے نوں چاھن لگ جاندی اے۔ ھیر دے چاچے کیدو نوں اس دا پتہ لگ جاندا اے تے اوہ ھیر دی ماں ملکی تے پیو چوچک نوں پڑکاندا اے۔

ھیر دا ویاہ زبردستی اک ہور بندے سیدو کھیڑے نال کر دتا جاندا اے۔ رانجھا ٹٹے ہوۓ دل نال ٹلہ جوگیاں آندا اے۔ ٹلہ جوگیاں ضلع جہلم چ اک پعاڑ اے۔ایتھے جوگیاں دا ٹھکانہ سی۔ رانجھا کن پڑوا لیندا اے جگ نوں چھڈ دندا اے تے جوگی بن باندا اے۔ پنجاب دے پنڈاں چ پھردا اے تے ھیر نوں مل پیندا اے۔ دونویں ھیر دے پنڈ آندے نیں تے ھیر دے ماں پیو دوناں دے ویاہ لئ من جاندے نیں پر ھیر دا چاچا کیدو ھیر نوں زہر دیدیندا اے۔ ھیر مرجاندی اے تے ھیر دی موت دے دکھ نال رانجھا وی زہر کھا کے مرجاندا اے۔

مورت نگری[لکھو]

ہور پڑھو[لکھو]

بارلے جوڑ[لکھو]

جوڑ[لکھو]