ہائنرش سی بیرن

Wikipedia توں
جاو: مدد, کھوج
ہائنرش سی بیرن دا بنایا ہویا امریکہ دے پارک دا نقشہ

ہائنرش سی بیرن (1915-1999) نوں وڈے ناپ دے نقشے بنان دی نیوں رکھن والا سمجیا جاندا اے ۔ اوہ مورتاں تے مورتیاں بنان والے اک ٹبر چ انزبرک آسٹریا چ جمیا۔اے کم اسنے اپنے آپ نوں آپے غلطی تے فیر ٹھیک کر کے سکھایا۔ 1930-33 چ اوہ آرٹس تے ڈیزائن دے ےکول انزبرک چ پڑھائی کیتی۔

یوسیمائیٹ دی پینٹنگ

وڈے نقشے بنان دی دوڑ چ پیلا انعام جتن نییںاودے اندر نویں تانگ جما دتی۔ اپنے پرکھاں توں ملے فن تے نویاں ہنراں نوں رلا کے اوس نے پھرن ٹرن آلیاں لئی وکھری ونڈ دے نقشے بناۓ۔ زمین دے اتے پعاڑاں، ندیاں جنگلاں تے ہور چیزاں نوں اونے جوکس اکھ نال ویکھیا۔ تے فیر ایناں نکیاں نکیاں گلاں نوں نقشے تے بنایا۔ اودا بنیا ہویا نقشہ ویکھ کے ایہ نیئں لگدا جے اسیں نفشہ ویکھ ریۓ آن اصل جگہ اکھیاں اگے آجاندی اے۔ 1942 چ جدوں اوہ جرمن فوچ چ ناروے تے فن لینڈ سی ایس کم نے وی اودے کم تے گوڑا رنگ چھوڑیا۔ اودے نقشیاں دے اسمان تے بدل اوس ویلے دا نشان نیں۔

1941 چ اونے لڈ ملا ہیرلڈ نال ویا کیتا تے اودیاں دو تعیاں الزبتھ تے اینجلا نیں ۔

1944 چ اونے مورتیاں بنان لئی ویآنا چ ڈاکٹر ورٹگن نال کم کبتا۔ لڑائی توں مگروں پروفیسر شوارزکوف دے ہتھ دین .نال مورتاں بنانا لئی ہور پڑھہائی کبتی۔ اودا سارا جیون ارٹ تے نقشہ بنان والے دے وشکار لٹکیا ریا۔ ایسے لئی توازن ای اودا نشان اے۔ بیرن 1952 توں انزبرک دے نیڑے اک گراں چ ریا۔ 1962 چ اونے نیشنل جیوگرافک سوسائٹی لئی ماؤنٹ ایورسٹ دی مورت بنائی تے ایس توں مغروں امریکہ دی نیشنل پارک سروس لئی اودے چار پارکاں دے نقشے بناۓ۔


بارلے جوڑ[لکھو]