ہیلیم

Wikipedia توں
جاو: مدد, کھوج
ہیلیم
He-TableImage.svg
نشانیاں
ناں، نمبر، نشانی ہیلیم، He, 2
ٹولی نوبل گیس
گروپ، پیریڈ، بلاک 18, 1, s
ایٹمی پعار 4 گرام/مول
وکھالہ HeTube.jpg
خصوصیات
ابلن نمبر منفی272.20 سیلسیس
پگلن نمبر منفی268.93 سیلسیس
گاڑا 0.1786 گرام/لٹر
الیکٹرونیگیٹیوٹی نل

ہیلیم اک کیمیائی عنصر اے، جیدا ایٹمی نمبر 2 تے ایٹمی پعار 4.002602 اے۔ ایدا کیمیائی نشان He۔ ایہ اک بے رنگی، بنا کسے ذیقے دی، بنا زہر توں اک نوبل گیس اے۔ سارے عنصراں چ سب توں کٹ ابلن تے پگھلن نمبر ہیلیم دا اے تے صرف گیس دی مورت چ ریندی اے سواۓ انت حالتاں چ۔ ہائیڈروجن دے مگرون ساری کائنات چ سب توں بوتا پایا جان آلا عنصر وی ہیلیم اے تے ساڈے تارہ سمندر، چٹا راہ دا 24٪ ہیلیم اے۔

1868 چ ہیلیم نوں اک فرانسیسی گرو نے سورج گرہن دے دوران ایدیاں سپیکٹرل لیناں دی مورت چ پہچانیا تے نارمن لوکائر نے وی اینوں اوسے ویلے ویکھیا تے ایدا ناں ہیلیم رکھیا۔ 1903 چ امریکہ چ ہیلیم وڈے پیمانے تے قدرتی گیس دے ذخائر نال لبی، تے اج تک امریکہ ہیلیم دا سب توں بوتا دین آلا دیس اے۔

ہیلیم نوں ٹھنڈا کرن واسطے وی ورتیا جاندا اے، خاص طور تے سپر کنڈکٹر مقناطیس ٹھنڈے کرن واسطے ہیلیم نوں ورتیا جاندا اے جیناں نوں MRI سکیناں چ ورتیا جاندا اے۔ اینوں ویلڈنگ چ کردیاں بچاؤ واسطے ورتیا جاندا اے۔ تقریبا ادی بنائی گئی ہیلیم سلیکان ویفر بنان واسطے کرسٹل ودان چ ورت جاندی اے۔ ایدی کٹ مقدار نوں غباریاں تے ہوائی جعازاں چ ورتیا جاندا اے۔ سینس گرو ہیلیم-4 دیاں دو مورتاں نوں کوانٹم مکینکس(quantum mechanics) تے سپر فلوایڈٹی (superfluidity) نوں سمجن واسطے ورتدے پۓ نیں۔ سپرکنڈکٹوٹی وی اک حالت اے جیڑی کے سب توں بوتی ٹھنڈی تھاں تے ہوندی اے جس واسطے ہیلیم نوں ورتیا جاندا اے۔ ہیلیم دوجا سب توں ہلکا عنصر اے تے کائنات چ وی دوجا سب توں بوتا پایا جان آلا۔ اے کائنات چ دوجے تمام پارے عنصراں توں 12 گناں بوتا پایا جاندا اے۔ سورج تے مشتری چ وی ہیلیم وڈی مقدار چ مجود اے۔ ہیلیم ایٹمی فیوژن تے ایٹمی تابکاری چ وی بندا اے۔ کائنات دا بوتا ہیلیم-4 دے بارے چ خیال اے کے اے بگ بینگ دے دوران بنیا سی۔ سورج توں ادے وزن دے تارے ایٹیم فیوژن توں ہیلیم بنا سکدے نیں۔

ہیلیم ہوا توں ہلکی ہوندی اے تے اے بوت اچائی تے اے اس واسطے اے زمین دی فضا چ صرف 0.00052٪ اے۔ زمین تے تقریبا جنی وی ہیلیم اے ساری دی ساری تقریبا تابکاری دی وجہ توں اے۔ تابکاری ج ایلفا پارٹیکل ہیلیم دا نوکلیس ہوندا اے۔ اے ہیلیم قدرتی گیس دے نال پھس جاندی اے۔ ایدی مقدار قدرتی گیس چ 7٪ ہوندی اے، اینوں فریکشنل ڈسٹلیشن دے نال کڈیا جاندا اے۔