یورینس

Wikipedia توں
جاو: مدد, کھوج
یورینسUranus symbol.svg
Uranus2.jpg
سورج توں دوری: 3,004,419,704 توں 2,748,938,461 کلومیٹر تک
ریڈیس: 25,559 کلومیٹر
وزن: 8,6810 کلوگرام
حجم: 6.833×1013 کلومیٹر کیوب
ایکویٹر تے کچھ 8.69 m/s2

یورینس سورجی پربندھ دا 7واں پاندھی اے۔ ایہنوں ولیم ہرشل نے 13 مارچ 1781 نوں ویکھیا۔ سورجی نظام چ ایدا قطر تیجا سب توں وڈا تے ایدا وزن چوتھا سب توں بوتا اے۔ یورینس تے نیپچون دی بنتر اک دوجے نال رلدی اے تے وڈے گیس دیواں(زحل تے مشتری) نالوں وکھری اے تے اے اوناں توں نکے نیں۔ اس وجہ توں ستارہ گرو یورینس تے نیپچون نوں برفیلے دیو کیندے نیں۔ یورینس دی ہوا چ زحل تے مشتری ہار ہائیڈروجن تے ہیلیم بوت زیادہ اے مگر ایدے چ بوت زیادہ جمی ہوئی برف، امونیہ، میتھین تے کج دوجے ہائڈروکاربن نیں۔ اس پاندھی دی ہوا سارے سورجی نظام چ سب توں ٹھنڈی اے، ایدا گرمی ناپ -224 ڈگری سینٹی گریڈ تک ہوندا اے۔ یورینس دی ہوا چ بدلاں دا وڈا سسٹم اے: سب توں اتے میتھین دے بدل نیں تے سب توں تھلے پانی دے بدل ہوندے نیں۔ یورینس دا اندر دا پاسا برف تے وٹیاں توں بنیا ہویا اے۔

دوجے گیس دیواں ہار یورینس دا وی اک چھلا سسٹم، مقناطیسی تہہ تے کئی چن نیں۔ یورینس دا سارا سسٹم ترچھا اے کیونجہ یورینس پاندھی سورجی نظام دے لحاظ توں 97.77 ڈگری ٹیڑھا اے۔ اس دی وجہ توں ایدا اتلا تے تھلواں پول اودر نیں جتھے باقی پاندھیاں دے اکویٹر ہوندے نیں۔ 1986 چ وایاجر 2 نیں فوٹواں کچھ کے پیجیاں تے پتہ چلیا کہ یورینس دے اتے کوئی نشان نئیں، ایدے بدل دا کوئی رنگ وغیرہ یا نشان نئیں تے یورینس بلکل پھکا اے۔ یورینس دے اتے ہوا 900 کلومیٹر فی کینٹے دی تیزی تک جا سکدی اے۔

تریخ[لکھو]

یورینس اگلے 5 پاندھیاں ہار زمین توں اکھ نال ویکھیا جاسکدا سی مگر اے بوت مدھم سی تے بوت آہستہ کمدا سی جیدی وجہ توں اینوں پاندھی نئیں سمجیا جاندا سی۔ اینوں سر فلیم ہرشل نیں 13 مارچ 1781 چ ٹیلیسکوپ نال لبیا۔

یورینس نوں پاندھی سمجے جان توں کئی واری پہلاں وی ویکھیا گیا سی مگر ایناں تارہ سمجیا جاندا سی۔ کئی یورپی تارہ گرو اینوں ویکھدے رۓ تے اک روسی تارہ گرو اینڈرز جوہان لیکسل پہلا بندہ سی جینے یورینس دے مدار دا حساب لایا تے اس گل تے آیا کہ اے اک پاندھی اے۔ یورینس دے کئی ناں رکھے گۓ مگر "یورینس" اک جرمن تارہ گرو نیں رکھیا۔ بوڑ دے سنگی مارٹن نے اودے ناں دی سپورٹ چ اک نۓ عنصر نوں لبن تے اودا ناں وی "یورینیم" رکھیا۔

یورینس دا کمنا تے پھیرا[لکھو]

یورینس دی فوٹو، غور کرو پاندھی ٹیڑھا اے

یورینس سورج گرد اک چکر زمین دے 84 وریاں وچ لاندا اے۔ ایدی سورج توں دوری تقریبا 3 ارب کلومیٹر اے۔ ایدے اتے زمین توں 400 گنا کٹ سورج دی روشنی پونچدی اے۔ ایدے چکر دے بارے چ ریاضی دا حساب کتاب لایا گیا تے پتہ چلیا کہ اے اپنے سورجی چکر دے راہ توں زرا جیا ہلدا اے۔ فیر پتہ چلیا کہ اے اک ہور پاندھی دی کچھ دی وجہ توں ہلدا: نیپچون۔

یورینس دا اپنا اک دن 17 کینٹے، 14 منٹاں دا ہوندا اے۔ باقی گیس دیوواں ہار ایدی اتے دی ہواواں ایدی کمن دی طرف بوت تیز ٹردیاں نیں۔ تھلویں پول دے نیڑے ہواواں زیادہ تیز کمدیاں نیں: 14 کینٹے چ پاندھی گرد ٹر آندیاں نیں۔

یورینس 97.77 ڈگری ترچھا اے۔ جس دی وجہ توں اے اپنے گرد باقی سورجی نظام دے لحاظ نال اتے کمدا اے۔ سورجی نظام دے سارے پاندھی لٹو ہار کمدے نیں تے یورینس اک اگے ٹردی ہوئی بال ہار کمدا اے۔ یورینس دے اتے صرف کچ حصہ اے جتھے تیزی نال سویرا-رات آندے نیں۔ ایدے پولاں اتے 42 دن سویرا تے 42 دن رات ہوندی اے۔ اس وجہ توں ایدے پولاں اتے سورج توں بوت گرمی آندی مگر فیر وی ایدے اکویٹر بوتے گرم نیں۔

اندر دی بنتر[لکھو]

یورینس دا وزن زمین توں 14.5 گنا بوتا اے تے اے سارے گیس دیوواں چوں سب توں ہلکہ اے۔ ایدا قطر نیپچون توں زرا جیا زیادہ اے مگر زمین توں 4 گنا زیادہ اے۔ زحل دے بعد اے سب توں کٹ گوڑا پاندھی اے، ایدا گوڑا پن 1.27 گرام فی کیوبک سینٹی میٹر اے۔ اس توں پتہ چلدا اے کہ اے کئی جمیاں ہوئیاں شیواں نال بنیا ہویا اے: پانی، امونیہ تے میتھین۔ یورینس دی برف دا ٹھیک وزن نئیں معلوم مگر ایدا وزن زمین توں 9.3 گنا زیادہ توں لے کر 13.5 گنا زیادہ تک اے۔ ہائیڈروجن تے ہیلیم 0.5 توں 1.5 گنا زمین دے وزن تک یورینس چ نیں۔ باقی دا وزن وٹیاں نال بنیا ہویا اے۔