اوہم دا قنون

بجلی دے دو نقطیاں دے وشکار جنی بعوتی وولٹیج ہووے گی اوناں بعوتا کرنٹ ہووے گااگر کنڈکٹر دا گرمی ناپ ناں بدلے۔ اینوں تھلے دتی گئی ترکڑی چ وی دسیا جاسکدا اے۔

V(وولٹیج)، I(کرنٹ)، اتے R(رزسٹینس)، اوہم دے قنون دے پیرامیٹر

اوہم دے قنون دے مطابق اک کنڈکٹر ) دے وچ لنگھن والے کرنٹ کسے دو نقطےآں وچکار لگائی گئی وولٹیج دا سدھا پروپورشنل(directly proportional) ہندا اے۔ مستقل پیرامیٹر رزسٹینس نوں کانسٹینٹ (constant of Proportionality) دی تھاں تے رکھن نال اس قنون نوں اس طرحاں لکھیا جاندا اے،

$I={\frac {V}{R}},$

جتھے I اینپیئراں وچ، کسے چالک وچوں لنگھ رہا کرنٹ اے، V چالک دے دوواں پاسے لگائی جان وولٹیج اے، جسنوں وولٹاں وچ ماپیا جاندا اے، اتے R، جسنوں اوہماں وچ ماپیا جاندا اے، چالک دی رزسٹینس اے۔ ہور خاص طور تے، اوہم دا قنون کہندا اے کہ اس تعلق وچ R اک مستقل پیرامیٹر اے اتے ایہہ کرنٹ اپر انحصار نہیں کردا۔

اس قنون دا نام جرمن دے طبعیات دان جارج اوہم دے نام اپر رکھیا گیا اے، جسنے 1827 وچ اک لیکھ وچ، عام بجلئی سرکٹاں وچ لگائی گئی وولٹیج اتے کرنٹ دے ماپ، وکھ-وکھ لمبائی والیاں تاراں، نال دسے۔ اوہم نے اپنے کھوج نتیجے اجکلھ دی اپروکت سمیکرن توں تھوڑھے ودھیرے جٹل سمیکرناں نال درسائے سن۔