علی جاہ عزت بیگوڡچ

آزاد انسائیکلوپیڈیا، وکیپیڈیا توں
علی جاہ عزت بیگوڡچ
1925ء توں 2003ء
بوسنیا تے ہرزیگوڡینا دا پہلا صدر
20 دسمبر 1990ء توں 14 مارچ 1996ء
وزرائے اعظم
جورے پیلیوان ، مائل اکمادژیچ ، حارث سلاجک ، حسن مراتووچ
پیش رو اوربراد پیلیاک (بطور سوشلیٹٹ بوسنیا دے صدر دے)
جانشین ژیوکو رادیشیچ (تکونی صدارت دے صدر دے طور تے)
بوسنیا دی پریزیڈنسی دا پہلا بوسنیاک رکن
14 مارچ 1996ء توں اکتوبر 2000ء
جانشین
خالد گینیاچ
جم 8 اگست1925ء
جمن دی تھاں بوسانسکی شمس سرباں ، کروٹاں تے سلوینیاں دی بادشاہت
انتقال
19 اکتوبر 2003ء (بعمر78سال)
تھاں سراجیڡو ۔ بوسنیا تے ہرزیگوڡینا
سیاسی جماعت جمہوری عمل پارٹی (پارٹی آف ڈیموکریٹک ایکشن)
شریک حیات
خالدہ ریپوواچ
پیشہ وکالت
مذہب
اسلام
علی جاہ عزب بیگووچ

علی جاہ عزت بیگوڡچ بوسنیائی وکیل ، لکھاری، فلاسفر تے سیاستدان سن ۔ 1990ء چ بوسنیا تے ہرزیگوونا دے صدر بنے تے1996ء تک اس عہدے تے فائز رہے ۔فیر اوہ بوسنیا دی پریزیڈنسی دے رکن بنے تے2001ء تک اسدے رکن رہے ۔ اوہ کئیاں کتاباں دے مصنف وی سن جنہاں چوں "اسلام مشرق تے مغرب دے درمیان " تے "اسلامی اعلامیہ" اہم نیں ۔

ابتدائی زندگی[سودھو]

استمبول میونسپلیٹی ولوں سراجیوو چ علی جاہ دی بنائیا گیا مزار

علی جاہ عزت بیگووج اتری بوسنیا دے شہر بوسنسکی شمس چ 8 اگست 1925ء چ بلغراد دی عثمانی اشرافیہ دے اک خاندان پیدا ہوئے ، جہڑا سربیا دی سلطنت عثمانیہ توں آزادی دے بعد بوسنیا آگئیا ۔ اسدا دادا علی جاہ بوسنسکی شمس شہر دا میئر سی ، اسدے دادے نے اک ترک خاتون "صدیقہ خانم" نال ویاہ کیتا جدوں اوہ سلطنت عثمانیہ دی عسکردار چ سپاہی سی ۔ شادی توں بعد اسدا دادا بوسنسکی شمس آگئیا ،اسدے 5 بچے سن ۔ علی جاہ عزت بیگووچ دا والد بینک اکاونٹینٹ سی تے 1927ء چ اپنے خاندان نال سراجیوو چ آباد ہو گئیا ۔ عزت بیگووچ دا بوسنیائی معاشرے نال قریبی تعلق رہیا تے اوہ اک دیندار مسلمان گھرانے چ وڈا ہوئیا ۔اسنے سیکولر تعلیم حاصل کیتی ۔ سراجیوو لا سکول توں گریجوئشن کرن توں بعد اسنے "مالادی مسلمان"[نوجوان مسلمان] چ شمولیت اختیار کیتی ۔ اس گروپ تے 'اسلامی تجدید پارٹی" نے دوجے گروپاں نال مل کے دوجی جنگ عظیم چ مہاجر ہون والے لوکاں دی مدد کیتی ۔ عزت بیگووچ دوجی چنگ عظیم دے شروع چ ماشل ٹیٹو دی اینٹی فاشسٹ پارٹیسان چ چھ مہینے خدمات دیں دے علاوہ کسے مسلح فوج چ شامل نئیں ہوئے ۔ جنگ تون بعد 1946ء چ عزت بیگووچ نوں گرفتار کرلئیا گئیا تے کیمونسٹ مخالف سرگرمیاں ج حصہ لین دے الزام چ 3 سال لئی جیل بھیج دتا گئیا جیل توں رہائی دے بعد اس نے سراجیوو یونیورسٹی توں قانون دی ڈگری لیئی تے سیاست نال منسلک ہو گئے ۔

ہور ویکھو[سودھو]

حوالے[سودھو]