واصف علی واصف
| واصف علی واصف | |
| جم : | 15 جنوری 1929 خوشاب، پنجاب، پاکستان |
| مرن پو: | 18 جنوری 1993 پاکستان |
| کم : | اردو لکھاری' ادیب, صوفی, شاعر |
| گُݨ : | اردو لکھاری، شاعری |
| مشھور لکھتاں : | دل دریا سمندر |
واصف علی واصف پاکستان وچ اردو ادب دے جاݨے پچھاݨے لکھاری سی۔ اوہ اک استاد، شاعر تے صوفی وی سن۔ او اپنے مخصوص ادبی انداز تے لکھت وچ مشعور سن۔ اوناں نیں مختلف معاشرتی عنواناں تے نثری جملے لکھے۔ او پاکستان دے مشعور اخبار نوائے وقت وچ کالم وی لکھدے سن۔ اوناں دے لکھے ہوئے کالماں نوں اک کتاب دی شکل وی دتی گئے۔ او اردو تے پنجابی بولیاں چ شاعری کردے سی۔ لہور چ اپنی حیاتی دے اخیر لے دناں چ او کج مشعور ادبی لوکاں دی بیٹھک وچ سوال جواب کردے سی۔ بعد چ گفتگو دے ناں توں اوس بیٹھک دی آڈیو ریکارڈنگ وی شائع کیتی گئی۔
اوناں نے کل 35 کتاباں لکھیاں جیڑیاں صوفی ازم، روحانیت تے انسانیت توں متعلق اوناں دی سوچاں تے مشتمل نیں۔
جیون[سودھو]
واصف علی واصف 15 جنوری 1929 نوں ضلع خوشاب چ جمےا۔ اوہناں دے والد ملک محمد عارف اک استاد سن۔ واصف نے دینی تعلیم اپنے والد کولوں کعھر وچ تے پرائمری تعلیم خوشاب دے اک سکول توں حاصل کیتی۔
دسویں جماعت دا امتحان گورمنٹ ہائی سکول خوشاب توں 1944 وچ پاس کیتا تے فیر جھنگ چلے گئے۔ انٹرمیڈیٹ تے گریجوئیشن جھنگ توں پاس کر کے لہور ٹر گئے تے اسلامیہ کالج سول لائن وچ داخلا لیا۔ اوتھوں ریاضی وچ ماسٹر دی ڈگری لئی۔ ایس توں بعد گورنمنٹ کالج لہور توں انگریزی وچ ماسٹر کیتا۔
مزار[سودھو]
واصف علی واصف نے 18 جنوری 1993 نوں وفات پائی۔ اپنے صوفیانہ طرز حیاتی دی وجہ توں او حضرت واصف علی واصف دے ناں توں وی مشعور ہوئے۔ اوہناں دا مزار لہور دے مشعور چوک چوبرجی میانی صاحب چ واقع اے۔
بطور لکھاری[سودھو]
واصف علی واصف دی حیاتی دا وڈا حصا غور و فکر وچ مشغول رہیا۔ اوہناں دی زبان یا قلم توں نکلیا ہویا ہر لفظ اپنے اندر سو معنی رکھدا اے تے اوہناں دی لکھت پڑھن آلیاں لئی علم دے خزانے دی حیثیت رکھدی اے۔ اک لکھاری دی حیثیت توں او اپنے اندر بڑی خوبیاں دے مالک سن۔ اوناں دی اک وڈی خوبی اے وی سی کہ او اک وڈی یا ڈونگھی گل نوں بڑی اسانی نال بیان کردے سن۔
اک صوفی[سودھو]
واصف علی واصف اک صوفی تے درویش وی سن۔ اپنی اخیرلی حیاتی چ او کئی لوکاں لئی مرشد دی حیثیت رکھدے سن۔ او اپنے اندر علم دا بڑا وڈا خزانا رکھدے سن۔ قدرت اللہ شہاب، اشفاق احمد تے حنیف رامے اوہناں دے لیکچر سُݨیا کردے سی۔
لکھتاں[سودھو]
- شب چراغ (اردو شاعری)
- کرن کرن سورج
- دل دریا سمندر (مضامین)
- قطرہ قطرہ قلزم (مضامین)
- حرف حرف حقیقت
- پعرے پڑولے (پنجابی شاعری)
- بات سے بات
- شب راز
- گم نام ادیب (خطوط)
- مکالمہ (مکالمے، خطاب تے تعارف)
- ذکر حبیب (نعتیہ شاعری)
- دریچے
- گفتگو (سوال جواب سیریز- 25 حصے)
- Ocean in Drop (قطرہ قطرہ قلزم دا انگریزی ترجما)
- [۱] Archived 2011-09-11 at the وے بیک مشین آن لائن پڑھو
ہور دیکھو[سودھو]
باہرلے جوڑ[سودھو]
- قطرہ قطرہ قلزم Archived 2011-07-15 at the وے بیک مشین
- لکھتاں Archived 2011-02-14 at the وے بیک مشین
- لکھتاں Archived 2011-09-11 at the وے بیک مشین
- [۲]