احمد بن ماجد

آزاد انسائیکلوپیڈیا، وکیپیڈیا توں

احمد ابن ماجد اک عربی سمندری ملاح تے نقشہ نویس سی۔ اوہ سر، اومان وکھے 1421 نوں جنمیا۔ اوہ ملاحاں دے ٹبر وچ پلیا تے 17 ورھیا دی عمرے سمندری جہازاں نوں راہ وکھالن یوگ ہو گیا سی۔ اوہ پہلے عربی سمندری-انسان وجوں وی مشہور اے۔ اوہدی موت دی پکی تریخ تاں نئیں پتہ پر شاید اوہ 1500 وچ مریا سی۔ پچھم ول اوہ اس گلوں مشہور وا کہ اس واسکو ڈی گامے نوں افریقہ توں برصغیر دا راہ وکھالیا سی۔ پر اس موضوع دے موہری ودوان جی۔ آر۔ ٹبیٹز اس متعلق سندیہ پرگاؤندے ہن۔ ماجد چالھی دے ایڑ-گیڑ رچناواں وی کیتیاں۔ اس نوں سمندر دا شیر ناں وجوں وی جانیا جاندا اے۔

کم[سودھو]

ابن ماجد سمندری سائنس اتے جہازاں تے بہت ساریاں کتاباں لکھیاں، جو لوکاں نوں فارس دی کھاڑی توں بھارت، چڑھدے افریقہ تے ہورناں تھانئیں دے کنڈھے لگن وچ مداد کردیاں ہن۔ اس دیاں سمندری سائنس تے لکھیاں کتاباں وچوں 'کتاب الفوائد فی اصل علم البہر و القواعد' سبھ توں اول درجے دی منی جاندی اے۔ اس دی 'کتاب الفوائد' وی بہت مشہور کتاب اے۔

اس دیاں لکھتاں سمندر دا اک انسائیکلوپیڈیا اے، جو راہ وکھالے دے مکھ اصول تے اتہاس، تٹورتی تے کھلھے سمندر دے سفر دا انتر، چڑھدے افریقہ توں انڈونیشیا تک دیاں بندرگانہاں دے ٹکانے، تاریاں دی حالت اتے ہور موسمی ہواواں، جھکڑاں تے ہور سبھ اوہناں موضوعاں بابت دسدا اے، جو اک وہاری راہ وکھالے لئی ضروری ہندے ہن۔ ماجد دیاں دو ہتھ لکھت کتاباں پیرس دی نیشنل لائبریری چ پئیاں نے۔

ماجد دیاں ایہناں ساریاں خوبیاں کرکے اس نوں تارے پھنڈن والا وی آکھدے نے۔

احمد بن ماجد پندرھویں صدی دے ادھ وچ پورتگالی جہازی واسکو ڈی گامے نوں یورپ توں برصغیر تک دا راہ وکھایا، جو حجے تیکر یورپیاں نوں نئیں سی پتہ۔ پچھم وچ ماجد ایسے گلوں ای مشہور اے کیونکِہ اس اوہناں نوں برصغیر دا راہ وکھایا سی۔ تواریخ وچ ماجد دا سبھ توں پہلوں ذکر عثمانی تواریخ-شناس قطب ال اس دی موت دے پنجاہ ورھیا مگروں کیتا۔ [۱]

حوالے[سودھو]

  1. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).