ادھم بے مسیت

آزاد انسائیکلوپیڈیا، وکیپیڈیا توں


ادھم بے البانیا دے راجگھر ترانا چ واقع اک مسیت اے اس مسیت دی اساری دا آغاز 1789ء چ ملا بے نے کیتا تے اس دی اساری سلیمان پاشا دے پوتے حاجی ادھم بے دے ہتھوں 1823ء چ ہوئی ۔ البانیا چ اشتراکی دور چ ایہہ مسیت بند کر دتی گئی تے اک لمبے چر پچھوں 18 جنوری 1991ء چ اسنوں کھول دتا گئیا ۔

مسجد دے دوبارہ کھولے جانہہ تے اشتراکیاں دی شدید مخالفت دے باوجود 10 ہزار لوک جھنڈے ہتھاں لئے مسیت پہنچے تے ایہہ واقعہ البانیا چ اشتراکیت دے خاتمے دا نقطہ آغاز ثابت ہوئیا ۔ اس مسجد دی خاص گل اس چ کیتا گئیا مصوری دا کم اے جس چ پھل بوٹے ، آبشاراں تے پلاں وغیرہ دیاں مورتاں بنائیاں گئیاں نیں ، جہڑا کہ اسلامی فن تعمیر چ کتے وی نئیں دیکھئیا گئیا ۔ مسیت سیاحت لئی تے ہر ویلے کھلی رہندی اے پر اس چ نماز نئیں پڑھی جاندی ۔

ہور ویکھو[سودھو]