اغالبا

وکیپیڈیا توں
Jump to navigation Jump to search

عباسی خلیفہ ہارون الرشید دے ویلے وچ افریقا دا علاقا (موجودا طرابلس ، تیونس تے الجزائر تے مشتمل) نیم خود مختار ہو گیا ۔ کیونکہ مرکز توں دور ہون پاروں اس علاقے دا انتظام مشکل ہو رہئیا سی اس لئی ہارون نے ایتھے دی حکومت مستقل طور تے اک بندے ابراہیم بن اغلب تے اس دی اولاد نوں دے دتی اینج افریقہ چ اک نوین حکومت دی بنیاد پئی جہڑی اغالبہ یاں اغلب ٹبر دی حکومت کہلاندی اے ۔ ایہہ اغلبی حکومت عملا خودمحتار سی پر خلافت عباسیہ توں تسلیم کردی سی تے ہر سال باقاعدگی نال خراج دیندی سی جہڑا اس گل دا ثبوت اے کہ ایہہ حکومت عباسی خلافت دا حصہ اے ۔

Aghlabids Dynasty 800 - 909 (AD).PNG

اغلبی ٹبر دی ایہہ حکومت 800ء توں 909ء تک یعنی 100 سال توں ودھ قائم رہی ۔ اس حکومت دا راجگڑھ قیروان سی جیہدی نینھ عقبہ بن نافع نے رکھی سی ۔ اغلبی ٹبر دا سبھ توں وڈا کارناما جزیرہ سسلی دی فتح تے سمندری قوت دی ترقی اے ۔ ایس دور وِچ نا صرف سسلی بلکہ لمے اٹلی وچ وی مسلماناں دا تسلط ہو گیا سی ۔


اغلبی حکومت دا سمندری بیڑا اینا طاقتور ہو گیا سی کہ لہندے رومی سمندر وچ کوئی ایہناں دا مقابلا نئیں کر سکدا سی ۔ ابراہیم بن اغلب دے مگروں ایہدے پتر عبد اللہ بن ابراہیم نے حکومت سنبھالی ۔ رومی سمندر دا جزیرہ سسلی ایہدے جانشین زیادۃ اللہ دے دور ج فتح ہویا ۔ زیادہ اللہ نے 100 بحری جہازاں نوں ایس مہم تے بھیجیا تے کئی معرکےآں توں مگروں جزیرے نوں سلطنت اغالبا دا حصا بنا لیا ۔ ابو مضر زیادۃ اللہ اغالبا ٹبر دا آخری حکمران سی جیہدے دور وچ ابو عبداللہ الشیعی نے اغلبی حکومت دا خاتما کر کے خلافت فاطمیا دی بنیاد رکھی ۔