الخدمت ویلفیئر سوسائٹی بھگوال

الخدمت ویلفیئر سوسائٹی بھگوال ضلع گجرات دی تحصیل کھاریاں دے علاقے بھگوال وچ مقامی برادری دی فلاح و بہبود لئی کم کرن آلی اک غیر منافع بخش رجسٹرڈ تنظیم اے۔

الخدمت بھگوال دا قیام تے مقاصد

اس سوسائٹی دی نیہہ 2016 وچ مقامی بھائیچارے اتے ودیساں وچ رہن والے بھگوال دے وسنیکاں نے رکھی سی۔ ایہ تنظیم بنیادی صحت دی سہولتاں فراہم کرن، صاف پانی دے منصوبیاں دی مدد کرن، واٹر فلٹریشن پلانٹس، تے تعلیمی اداریاں دی ترقی لئی قائم کیتی گئی سی۔ تنظیم مقامی ستطع تے الخدمت کلینک تے ایمبولینس خدمات فراہم کر رہے نیں، جہڑیاں غریباں تے مستحقاں لئی مفت دستیاب نیں،

پردیس وچ وسدے بھگوال لوکاں دا کردار

باہرلے دیساں وچ رہن والے بھگوال دے وسنیک سماج دے بھلائی کماں وچ بھر چڑھ کے حصہ لیندے نیں ۔ ایہناں وچوں قابل ذکر نوید خالق نیں۔ ایہناں لوکاں نے مالی مدد دتی، منصوبیاں دی نگرانی کیتی، تے مقامی کمیونٹی دے تعاون نال مختلف فلاحی منصوبیاں نو نافذ کیتا۔ اوہناں دی مدد نال الخدمت بھگوال نے کئی کامیاب پراجیکٹ پورے کر لئے ہن جنہاں وچ بھگوال اتے آلے-دوآلے دے علاقیاں وچ 42 صاف پانی دی فلٹریشن پلانٹ لانا، مقامی آبادی نوں پین دا صاف پانی مہیا کرنا شامل اے۔

تعلیمی اداریاں دی نشوونما

سوسائٹی نے 11 مئی 2024 نوں گورنمنٹ ہائی سکول بھگوال وچ 'الخدمت بلاک' دی تعمیر شروع کر دتی ہے، جس وچ اک کمپیوٹر لیب، کلاس روم اتے اک مسیت شامل ہوویگی. اس منصوبے دے 2027 تک مکمل ہون دی توقع اے۔