ایتھانول

ایتھانول لیباٹری چ ورتن واسطے

ایتھانول جینوں ایتھائل الکحل یا پین آلا الکحل وی کیندے نیں اک وولاٹائل، جلن آلا، بے رنگا پانی سار اے۔ اے اک طاقتور نشا اے تے جگ دا پرانے نشیاں چ آندا اے۔ اینوں شراب بنان چ تے تھرمامیٹراں چ ورتیا جاندا اے۔ عام ورتن چ اینوں الکحل یا سپیرٹ وی کیندے نیں۔

ایتھانول اک سدھی زنجیر آلا الکحل اے تے ایدا مالیکیولر فارمولا C₂H₅OH اے۔ اے ڈائیمیتھائل ایتھر دا آئیسومر اے۔ ایدے چ اک ایتھائل گروپ C₂H_{5- ہائیڈروکسل گروپ OH- دی آکسیجن دے نان جڑیا ہوندا اے۔}

شکر نوں فرمنٹیشن دے طریقے توں ایتھانول بنانا انسانی تریخ دے سب توں پرانے آرگینک ریایکشن نیں۔ ایتھانول نوں نشاآور شے دے طور تے پرانے وقتاں تون ورتیا جاندا اے۔ اج کل دے دور چ فیکٹریاں چ ورتن واسطے ایتھانول نوں خام تیل توں علیحدہ کیتا جاندا اے۔

ایتھانول نوں خشبواں، فلیوراں، رنگاں تے دوائیاں چ محول دے طور تے ورتیا جاندا اے۔ کیمسٹری چ اینوں محول تے دوجیاں شیواں بنان واسطے ورتیا جاندا اے۔ اینوں پرانے وقتاں توں بال کے روشنی تے گرمی لئی جاندی سی پر کج عرصے توں اینوں انجناں چ بالن دے طور تے وی ورتیا جاندا اے۔