ترائن دیاں جنگاں

وکیپیڈیا توں
Jump to navigation Jump to search

شہاب الدین غوری افواج دا زبردست جنگجو تے سپہ سالار سی۔ اوہ اپنی ریاست نوں محمود غزنوی دی ریاست توں وی وسیع کرنا چاہندا سی۔ اس نے 1175ء وچ ہندوستان اُتے پہلی بار حملہ کرکے ملتان نوں فتح کر لیا، اس دے بعد اوہ اُچ پہنچا جو ہن بہاولپور ڈویژن وچ اے ہندوستان دے لئی ہونیوالی جنگ نہایت نزدیک سی شہاب الدین دے کول اجمیر تے دہلی دے راجہ تے زبردست لڑاکا پرتھوی راج نال مقابلے دے لئی اچھی فوج موجود سی۔

پہلی جنگ[لکھو]

درمیان پہلے معرکے وچ پرتھوی راج دا پلہ بھاری رہیا شہاب الدین نوں جنوب مشرقی پنجاب وچ تھانسیر دے نزدیک ترائین دے مقام اُتے شکست ہوئی شہاب الدین نہایت شدید زخمی ہویا تے غوری افواج میدان چھڈ کے نس گئیاں،جس اُتے شہاب الدین نوں شدید شرمندگی ہوئی تے اس نے اپنے انہاں سارے فوجیاں نوں سزا دتی جنہاں نے دشمن نوں پیٹھ دکھائی سی۔

دوسری جنگ[لکھو]

1192ء وچ شہاب الدین غور مکمل تیاری تے پہلے توں مضبوط فوج دے نال واپس آیا پرتھوی راج وی اپنے اتحادیاں دے ہمراہ اگے ودھیا۔ محمد قاسم فرشتہ دے مطابق پرتھوی راج چوہان دی تن لکھ گھڑ سوار فوج 3000 ہاتھیاں دے نال غور دے حکمران شہاب الدین محمد دے سامنے کھڑی سی۔ غوری دی فوج وچ اک لکھ ویہہ ہزار افغان، تاجک تے ترک فوجی شامل سن جو ملتان تے لاہور توں لنگھدے ہوئے ترائن پہنچے سن۔صبح غوری نے حملے دا آغاز کیتا۔ ہندواں تے مسلماناں دے درمیان اک ہولناک جنگ چھڑی۔ اک پہر دن چڑھنے اُتے غوری نے پسپائی اختیار کرنے دی چال چلی۔ چوہان فوج نے پرتھوی راج دے حکم اُتے پسپا ہُندی غوری فوج دا تعاقب شروع کیتا تے دوپہر ہونے تک چوہان فوج غوری دے دس ہزار تیر اندازاں تے ریزرو فوج دے نرغے وچ آچکی سی۔ اسی پسپائی دی چال دے دوران افغان فوج وی واپس پلٹی تے چوہان فوج اُتے پل پئی۔ تیسرے پہر تک اک لکھ چوہان قتل ہو چکے سن تے پرتھوی راج چوہان نوں سرسہ دی جانب فرار ہُندے ہوئے گرفتار کیتا جا چکیا سی جسنوں بعد وچ اجمیر لے جا کے قتل کر دتا گیا۔

حوالے[لکھو]