جزیرے ورگا عرب
جزیرے ورگا عرب لہندے دکھنی ایشیاء چ افریقہ تےایشیا وچکار واقع اک جزیرے ورگا اے ، جس دا بوہتا حصہ ریتلا اے ۔ جزیرے ورگا عرب لہندے ایشیادا اہم پاسہ اے تے تیل تے گیس دے وڈےآں ذخیرےآں پاروں جگ دا اک اہم تریں تھاں وی اے۔
جغرافیہ[لکھو]
جزیرے ورگا عرب دا کنڈا لہندے چ لال سمندر تے خلیج عقبہ ، چڑھدے دکھن چ عرب سمندر تے اتلے چڑھدے چ خلیج اومان ، پانی گلی ہرمز تے خلیج فارس نال ملدا اے ۔
اتر چ جزیرے ورگا عرب دی حداں کوہ زاگرس ( عربی چ زاغروس) تک جا کے مک جاندیاں نیں ۔ جغرافیائی طور تے بغیر کسے واضع علامت شام روہی نال جا ملدا اے ۔
سیاسی طور تے جزیرے ورگا عرب سعودی عرب تے کویت دی شمالی سرحداں دے نال ختم ہو جاندا اے ۔
جزیرے ورگا عرب چ شامل دیس[لکھو]
- ۔ بحرین ( حقیقت چ جزیرے ورگ عرب نالوں کٹئیا ہوئیا اک جزیرہ اے )
- ۔ کویت
- ۔ عمان
- ۔ سعودی عرب
- ۔ متحدہ عرب امارات
- ۔ قطر
- ۔ یمن
نک سک[لکھو]
جزیرے ورگا عرب دا بوہتا حصہ سعودی عرب چ شامل اے تے آبادی دی وڈی گنتی وی سعودی عرب تے یمن چ رہندی اے ۔ جزیرہ نما عرب چ جگ دے سب توں بوہتے تیل دے ذخیرے پائے جاندے نیں ۔ مسلماناں دیاں مقدس ترین تھانواں مکہ تے مدینہ وی ایتھے نیں ۔ معاشی طور تے سعودی عرب تے متحدہ عرب امارات خطے دیاں امیر قوماں نیں ۔ عرب دنیا ٹیلی ویژن چینل الجزیرہ وی ایسے جزیرہ نما دے اک دیس قطر توں چلائیا جاندا اے ۔
