جموں مسلم قتل عام ۱۹۴۷
تقسیم ہند توں بعد اکتوبر، نومبر ۱۹۴۷ دے دوران ریاست جموں تے کشمیر دے جموں خطے وچ ، بہت سارے مسلماناں دا قتل عام کيتا گیا تے کئیاں نوں لہندے پنجاب وچ نٹھا دتا گیا ۔ ایہ قتل انتہا پسند ہندوواں تے سکھاں نے کيتے سی، جیہناں دی مدد مہاراجا ہری سنگھ دی فوج نے کیتی سی ۔ راشٹریا سویم سیوک سنگھ (آر ایس ایس) دے کارکناں نے فسادات دی منصوبا بندی تے ایہنوں انجام دیݨ وچ کلیدی کردار ادا کيتا ۔ اک اندازے دے مطابق ۲۰٬۰۰۰ توں ۱۰۰٬۰۰۰ مسلماناں دا قتل عام کيتا گیا ۔ ایس توں بعد، پاکستانی غیر سرکاری ملیشیا دے ہتھوں اج دے پاکستانی زیر انتظام کشمیر دے علاقے میرپور وچ ے جموں ڈویژن دے راجوڑی علاقے وچ وی بہت سارے غیر مسلماں دا قتل عام کيتا گیا ۔
۱۹۴۷ وچ تقسیم ہند ویلے انگریزاں نے شاہی ریاستاں اُتے اپنا تسلط چھڈ دتا، جیہناں دے کول ہندوستان یا پاکستان وچ شامل ہوݨ دے آپشن رہ گئے سن ۔ جموں تے کشمیر دے مہاراجا ہری سنگھ نے سوواں مُلکاں دیاں حکومتاں نوں آزاد رہݨ دی اپنی ترجیح دا اشارا دِتا ۔ مسلم کانفرنس توں سوا ریاست دے وڈے سیاسی گروہاں نے مہاراجا دے فیصلے دی حمایت کیتی ۔ مسلم کانفرنس نے ۱۹ جولائی ۱۹۴۷ نوں پاکستان نال الحاق دے حق وچ اعلان کيتا ۔ مسلم کانفرنس ریاست دے جموں صوبے وچ مسلماناں وچ مقبول سی تے نیشنل کانفرنس کشمیر دے علاقے وچ مقبول سی ۔
وادی کشمیر دے برعکس جو اس عبوری دور وچ کافی پرسکون رہی، جموں صوبا جو پنجاب نال متصل سی، نے وڈے پیمانے اُتے نقل مکانی دا سامنا کيتا، جیہدی وجہ توں پرتشدد بین مذہبی سرگرمیاں شروع ہوئیاں ۔ مبصرین دا کہݨا اے کہ ہری سنگھ تے اوہدی انتظامیا دا بنیادی مقصد مسلماناں دی آبادی نوں ختم کرکے خِطے دی آبادی نوں تبدیل کرنا سی تاکہ خطے وچ ہندو اکثریت نوں یقینی بنایا جا سکے ۔