جنگلی اگ (بوٹا)

جنگلی اگ
پچھان
دیس:	بوٹے
برادری :	پھلوالے بوٹے
ٹبر:	کافی ٹبر
سائینسی ناں:	Ixora coccinea

جنگلی اگ پھلوالے بوٹیاں دے کافی ٹبر دا اک بوٹا اے۔ ایہدے تیز کھٹے رنگاں دے پھلاں دے گچھے دوروں اینج دسدے نیں جیویں اگ لگی ہوئی اے تے ایسے باہجوں ایہدا ایہ ناں پیا۔ ایہ دکھنی ہندستان تے سری لنکا دی عام جھاڑی اے۔ ایہدے ناں دا اک حصہ ہندو متی ناں ایشور توں بنیا اے۔

وکھالہ

ایہ اک گھنی، چوکھیاں ٹاہنیاں والی سدا ہری جھاڑی اے۔ ایہ 4–6 ft (1.2–2 m) اچی ہوندی اے پر ایس توں وی اچی جاسکدی اے۔ ایہ گول ہوندی اے تے اچا ہون دے بجاۓ آلے دوالے چوکھا پھیلدی اے۔ پتے لشکدے، چمڑے ورگے تے لمے 4 انچ (10 سینٹی میٹر) تک ہوندے نیں۔ پھل گچھیاں وچ نیڑے تریڑے سارا سال ہوندے نیں۔

ورتن

جنگلی اگ دے پھل مندراں وچ چڑھاۓ جاندے نیں۔ ایہدے انگ آیوروید وچ دوائیاں لئی ورتے جارۓ نیں۔