جوہر دودائیف

وکیپیڈیا توں
Jump to navigation Jump to search
جوہر دودائیف
جوہر دودائیف.jpg
جیون 1944ء قازقستان سویت یونین
دیس چیچنیا
کم فوجی جنرل تے سیاستدان
گن صدر چیچن جمہوریہ اشکیریہ

جوہر موسائیوچ دودائیف(روسی چ) جوہر موسی کانت دودن(چیچن بولی چ) جوہر ولد موسی دودن(اردو ، پنجابی چ)(1944ء-21 اپریل1996ء) سویت ایئر جنرل تے چیچن لیڈر تے شمالی قفقاز (کوہ قاف) چ چیچن جمہوریہ اشکیریہ دا پہلا صدر سی

ابتدائی زندگی تے کیریئر[لکھو]

جوہر دودائیف چیچنیا چ اپنے آبائی پنڈ یالخوروئی" توں اپنے خاندان دی جبری بے دخلی دے دوران فروری 1944ء چ پیداہوئیا (ایہہ جبری بے دخلی جوزف سٹالن (ستالن)دے حکم تے سارے چیچن،انگوش، بلکار، کلمیک تے کریمیائی تاتار آبادی دی سی)جوہر نے اپنی زندگی دے پہلے 13 سال قازق سوویت اشتراکی جمہوریہ چ اندرونی جلاوطنی چ گزارے ۔ سٹالن دے مرن تون بعد 1957ء چ چیچناں تے انگوشاں نوں اپنے علاقیاں چ واپس آن دی اجازت ملن توں بعد اوس نے چیچنیا چ اک شام دے سکول چ داخلہ لئیا تے الیکٹریشن دی تعلیم حاصل کیتی ۔ 1962ء چ ولادی قفقاز چ دو سال الیکٹرونکس پڑھن توں بعد اوہ تمبوف ہائیر ملٹری سکول چ پائیلٹ بنن واسطے داخل ہوئیا جتھوں اوہنے 1966ء چ گریجوئیشن کیتی ۔ جوھر 1968ء چ سویت کیمونسٹ پارٹی دا رکن بنیا 1971ء توں 1974ء تک گیگرین ایئرفورس اکیڈمی چ پڑھدا رہیا ۔ ایس نے اک روسی شاعرہ "آلا" نال ویاہ کیتا جس چوں اسدے تن بچے ہوئے ۔ جوہر دودائیف نے روسی ایئرفورس دے ہیوی بمبار یونٹ چ سائبیریا تے یوکرین چ خدمات دتیاں تے افغانستان چ سویت جنگ چ وی حصہ لئیا ۔ اوہ ایئرفورس چ چھیتی ای نمایاں ہوئیا جدوں اوہنے 1987ء چ میجر جنرل دے طور تے تارتو اسٹونیا چ سویت جنگی ایئرفورس دے ایئربیس دی کمانڈ سمبھالی ۔ دودائیف نے اسٹونی زبان سکھی تے اسٹونیا دی قوم پرستی واسطے بہت ذیادہ رواداری تے تحمل دکھائیا جدوں اسنے اسٹونیا دے ٹیلی ویژن تے پارلیمنٹ نوں بند کرن دے احکام نوں نظرانداز کردتا ۔ 1990ء اسدا ایئر ڈویژن اسٹونیا توں نکل آئیا تے اسنے سویت فوج چوں استیفی دے دتا ۔

چیچن سیاست[لکھو]

دودائیف 1990ء چ چیچن دارالحکومت گروزنی واپس آئیا تے اپنے آپ نوں مقامی سیاست واسطے وقف کر دتا ۔

چیچنی لوکراج اشکیریہ دا صدر[لکھو]

جوہر دودائیف 1991ء چ ہون والے ریفرینڈم چ چیچنیا دے صدر منتخب ہوئے تے اسنے یک طرفہ طور تے چیچنیا دی سویت یونین توں آزادی دا اعلان کردتا ۔ نومبر 1991ء چ روسی صدر بورس یلسن نے فوجی دستے گروزنی بھیجے پر اوہناں نوں واپس جانا پئیا جدوں جوہر دودائیف دیاں فوجاں نے اینہاں نوں ایئرپورٹ توں باہر نا جان دتا ۔ روس نے چيچنیا دی آزادی نوں منن توں انکار کردتا پر علیحدگی پسنداں دے خلاف فوجی کاروائی توں خائف رہیا ۔

پہلی چیچن جنگ[لکھو]

یکم دسمبر 1994ء چ روسی ایئر فورس نے گروزنی دے ہوائی اڈے تے بمباری شروع کردتی تے چیچن ایئرفورس نوں تباہ کردتا ، جواب چ چیچن جمہوریہ اشکیریہ نے روس دے خلاف اعلان جنگ کردتا تے اپنیاں فوجاں نوں متحرک کردتا تے روس دے خلاف اعلان جنگ کر دتا ۔ 11 دسمبر 1994ء چ ، اسدے صرف 5 دن مگروں روس نے چیچنیا چ اپنیاں فوجاں واڑ دتیاں ، جدوں دودائیف تے روسی وزیر دفاع پاول گراچیف نے اگاں توں طاقت دے استعمال نا کرن تے اتفاق کیتا سی ۔ جنگ دے شروع چ ای دودائیف دے 2 پتراں چوں اک مارئیا گئیا ۔

چیچین راجگھر گروزنی تے روسی قبضے توں پہلاں ای دودائیف نے صدارتی محل خالی کر دتا سی تے اپنیاں فوجاں ناں دکھن ول مسل سیلو چلا گئی جہرا کہ تریخی چیچن راجگھر ویدینو دے نیڑے اے تے 1995ء دے پورے سال جنگ دی آگوائی کردا رہئیا ۔

شہادت[لکھو]

جوہر دودائیف نوں 21 اپریل 1996ء نوں ، جدوں اوہ سیٹلائیٹ فون ورت رہئیا سی 2 لیزر گائیڈیڈ میزائلاں نال شہید کر دتا گئیا ، جدون اک جاسوسی آلے روسی ہوائی جہاز نے اسدی فون کال توں اسدی موجودگی دی تھاں نوں لبھ لیا ۔

جوہر ددائیف دے اعزاز چ تھانواں دے ناں[لکھو]

House number in Dzhokhar Dudaev avenue in Riga, Latvia.


سیاسی عہدہ
پیشرو
عہدہ تخلیق
صدر چیچن لوکراج اشکیریہ
Coat of arms

1991–1996
جانشین
زیلم خان یندربائیئیف


ہور ویکھو[لکھو]

حوالے[لکھو]